ויזעקו בני ישראל אל יהוה ויקם יהוה מושיע לבני ישראל ויושיעם את עתניאל בן קנז אחי כלב הקטן ממנו׃

וקראני ביום צרה אחלצך ותכבדני׃

אם הרגם ודרשוהו ושבו ושחרו אל׃

שמחנו כימות עניתנו שנות ראינו רעה׃

וקראתם אתי והלכתם והתפללתם אלי ושמעתי אליכם׃

ובקשתם אתי ומצאתם כי תדרשני בכל לבבכם׃

קרא אלי ואענך ואגידה לך גדלות ובצרות לא ידעתם׃

מכל העם הזה שבע מאות איש בחור אטר יד ימינו כל זה קלע באבן אל השערה ולא יחטא׃

נשקי קשת מימינים ומשמאלים באבנים ובחצים בקשת מאחי שאול מבנימן׃

ובני בליעל אמרו מה ישענו זה ויבזהו ולא הביאו לו מנחה ויהי כמחריש׃

מתן אדם ירחיב לו ולפני גדלים ינחנו׃

רבים יחלו פני נדיב וכל הרע לאיש מתן׃

מתן בסתר יכפה אף ושחד בחק חמה עזה׃

אל תשמעו אל חזקיהו כי כה אמר המלך אשור עשו אתי ברכה וצאו אלי ואכלו איש גפנו ואיש תאנתו ושתו איש מי בורו׃