חללה לך מעשת כדבר הזה להמית צדיק עם רשע והיה כצדיק כרשע חללה לך השפט כל הארץ לא יעשה משפט׃

יהוה יחתו מריבו עלו בשמים ירעם יהוה ידין אפסי ארץ ויתן עז למלכו וירם קרן משיחו׃

אשר אם צדקתי לא אענה למשפטי אתחנן׃

שם ישר נוכח עמו ואפלטה לנצח משפטי׃

אלהים שופט צדיק ואל זעם בכל יום׃

ויגידו שמים צדקו כי אלהים שפט הוא סלה׃

כי אלהים שפט זה ישפיל וזה ירים׃

קומה אלהים שפטה הארץ כי אתה תנחל בכל הגוים׃

הנשא שפט הארץ השב גמול על גאים׃

לפני יהוה כי בא לשפט הארץ ישפט תבל בצדק ועמים במישרים׃

שמח בחור בילדותיך ויטיבך לבך בימי בחורותך והלך בדרכי לבך ובמראי עיניך ודע כי על כל אלה יביאך האלהים במשפט׃

כי את כל מעשה האלהים יבא במשפט על כל נעלם אם טוב ואם רע׃

כי האב לא ידין איש כי אם כל המשפט נתן לבן למען יכבדו כלם את הבן כאשר יכבדו את האב׃

מי אשר לא יכבד את הבן גם את האב אשר שלחו איננו מכבד׃

ואתה למה זה תדין את אחיך או אתה למה תבוז לאחיך הלא כלנו עתידים לעמד לפני כסא דין אלהים׃

הנה נא כל אחד ממנו על נפשו יתן חשבון לאלהים׃

כי כלנו עתידים להראות לפני כסא דין המשיח למען יקבל איש ואיש כפי פעלו בחיי גופו אם טוב ואם רע׃

ומעתה שמור לי כתר הצדקה אשר ביום ההוא יתננו לי האדון השפט הצדיק ולא לי לבדי כי גם לכל אהבי הופעתו׃

ואל עצרת רבבות המלאכים ועדת הבכורים הכתובים בשמים ואל אלהים שפט הכל ואל רוחות הצדיקים הנשלמים׃

ותאמר שרי אל אברם חמסי עליך אנכי נתתי שפחתי בחיקך ותרא כי הרתה ואקל בעיניה ישפט יהוה ביני וביניך׃

אלהי אברהם ואלהי נחור ישפטו בינינו אלהי אביהם וישבע יעקב בפחד אביו יצחק׃

ישפט יהוה ביני ובינך ונקמני יהוה ממך וידי לא תהיה בך׃

והיה יהוה לדין ושפט ביני ובינך וירא וירב את ריבי וישפטני מידך׃

יהוה ידין עמים שפטני יהוה כצדקי וכתמי עלי׃

יגמר נא רע רשעים ותכונן צדיק ובחן לבות וכליות אלהים צדיק׃

על מה זה העל אשר אינני אהב אתכם האלהים יודע׃