והנני בא מהר ושכרי אתי לשלם לכל איש כמעשהו׃

אני האלף והתו הראש והסוף הראשון והאחרון׃

אני ישוע שלחתי את מלאכי להעיד לכם את אלה בפני הקהלות אנכי שרש דוד ותולדתו כוכב נגה השחר׃

המעיד את אלה אמר אמנם כן אני בא מהר אמן באה נא האדון ישוע׃

וארא בימין הישב על הכסא ספר כתוב פנים ואחור וחתום בשבעה חתמות׃

וכדבר שבעת הרעמים בקולתיהם חפצתי לכתב ואשמע קול מן השמים לאמר חתום את אשר דברו שבעת הרעמים ואל תכתב זאת׃

צור תעודה חתום תורה בלמדי׃

ומראה הערב והבקר אשר נאמר אמת הוא ואתה סתם החזון כי לימים רבים׃

ואתה דניאל סתם הדברים וחתם הספר עד עת קץ ישטטו רבים ותרבה הדעת׃

ויאמר לך דניאל כי סתמים וחתמים הדברים עד עת קץ׃

את אשר אני אמר לכם בחשך דברו באור ואשר ילחש לאזניכם השמיעו על הגגות׃

אשרי הקורא ואשרי השמעים את דברי הנבואה ושמרים את אשר כתוב בה כי קרובה העת׃

הילילו כי קרוב יום יהוה כשד משדי יבוא׃

לכן אמר אליהם כה אמר אדני יהוה השבתי את המשל הזה ולא ימשלו אתו עוד בישראל כי אם דבר אליהם קרבו הימים ודבר כל חזון׃

הלילה חלף והיום קרב לכן נסירה נא את מעשי החשך ונלבשה את כלי נשק האור׃

אל יתעה אתכם איש בשום אופן כי לא יבא בטרם יהיה בראשונה המרד ונגלה איש החטאה בן האבדון׃

הן קץ הכל קרב לכן היו צנועים וערים להתפלל׃