ויכס הענן את אהל מועד וכבוד יהוה מלא את המשכן׃

ויהי בצאת הכהנים מן הקדש והענן מלא את בית יהוה׃

ולא יכלו הכהנים לעמוד לשרת מפני הענן כי מלא כבוד יהוה את בית האלהים׃

עלה עשן באפו ואש מפיו תאכל גחלים בערו ממנו׃

וירכב על כרוב ויעף וידא על כנפי רוח׃

מנגה נגדו עביו עברו ברד וגחלי אש׃

וישלח חציו ויפיצם וברקים רב ויהמם׃

וינעו אמות הספים מקול הקורא והבית ימלא עשן׃

קול יהוה יחולל אילות ויחשף יערות ובהיכלו כלו אמר כבוד׃

אשר ישאו משפט אבדן עולם מאת פני האדון ומהדר גאונו׃

ויאמר יהוה אלי אם יעמד משה ושמואל לפני אין נפשי אל העם הזה שלח מעל פני ויצאו׃

סכותה בענן לך מעבור תפלה׃

מה עמק עשר חכמת אלהים ועשר דעתו משפטיו מי יחקר ודרכיו מי ימצא׃

וארא אות אחרת בשמים גדולה ונפלאה שבעה מלאכים הנשאים את שבע המכות האחרנות כי בהן כלה זעם אלהים׃