ואקח את הספר מיד המלאך ואכלהו ויהי בפי כדבש למתוק ואחרי אכלי אתו וימלא בטני מרורים׃

וארא בימין הישב על הכסא ספר כתוב פנים ואחור וחתום בשבעה חתמות׃

ולא יכל איש גם בשמים גם בארץ גם מתחת לארץ לפתח את הספר או להביט אליו׃

ויאמר אלי אחד מן הזקנים אל תבכה הנה נצח האריה אשר הוא משבט יהודה שרש דוד לפתח את הספר ולהתיר שבעת חותמיו׃

וארא כאשר פתח השה אחד מן שבעה החתמות ואשמע אחת מארבע החיות מדברת כקול רעם לאמר בא וראה׃

וכפתחו את החותם השני ואשמע את החיה השנית אמרת בא וראה׃

ואראה והנה יד שלוחה אלי והנה בו מגלת ספר׃

ויפרש אותה לפני והיא כתובה פנים ואחור וכתוב אליה קנים והגה והי׃

והמלאך אשר ראיתיו עמד על הים ועל הארץ הרים ידו אל השמים׃

והקול אשר שמעתי מן השמים שב לדבר אלי לאמר לך וקח את הספר הקטן הפתוח אשר ביד המלאך העמד על הים ועל הארץ׃

שאל ממני ואתנה גוים נחלתך ואחזתך אפסי ארץ׃

נוראות בצדק תעננו אלהי ישענו מבטח כל קצוי ארץ וים רחקים׃

בי מלכים ימלכו ורוזנים יחקקו צדק׃

בי שרים ישרו ונדיבים כל שפטי צדק׃

וייראו ממערב את שם יהוה וממזרח שמש את כבודו כי יבוא כנהר צר רוח יהוה נססה בו׃

ויגש ישוע וידבר אליהם לאמר נתן לי כל שלטן בשמים ובארץ׃

אשר פעל במשיח בהעיר אתו מן המתים ויושיבנו לימינו במרומים׃

וישת כל תחת רגליו ויתן אתו לראש על הכל אל העדה׃

למען אשר בשם ישוע תכרע כל ברך אשר בשמים ובארץ ומתחת לארץ׃

וכל לשון תודה כי אדון הוא ישוע המשיח לכבוד אלהים האב׃