1 Jean 4:15
כל המודה כי ישוע הוא בן האלהים האלהים שכן בו והוא באלהים׃
1 Jean 4:16
ואנחנו ידענו ונאמן באהבה אשר אלהים אהב אתנו האלהים הוא אהבה והעמד באהבה עמד באלהים והאלהים עמד בו׃
1 Jean 3:24
והשמר את מצותיו יקום בו והוא בו ובזאת נדע כי הוא שכן בנו ברוח אשר נתן לנו׃
Jean 14:20-26
20
והיה ביום ההוא ידוע תדעו כי אני באבי ואתם בי ואני בכם׃
21
מי אשר מצותי אתו וינצרן זה הוא אשר יאהבני ואהבי אהוב הוא לאבי ואני אהבהו ואליו אתודע׃
22
ויאמר אליו יהודה לא יהודה איש קריות אדני מה הוא זה כי תחפץ להתודע אלינו ולא לעולם׃
23
ויען ישוע ויאמר אליו איש כי יאהבני ישמר את דברי ואבי יאהב אתו ונבואה אליו ונשים אצלו מעונתנו׃
24
ואשר לא יאהבני הוא לא ישמר את דברי והדבר אשר שמעתם לא שלי הוא כי אם של אבי אשר שלחני׃
25
את אלה דברתי אליכם בעוד היותי עמכם׃
26
והפרקליט תוח הקדש אשר ישלחנו אבי בשמי הוא ילמדכם את כל ויזכירכם את כל אשר הגדתי לכם׃
Romains 8:9-17
9
ואתם אינכם בבשר כי אם ברוח אם אמנם רוח האלהים שכן בקרבכם כי מי שאין בו רוח המשיח איננו שלו׃
10
ואם המשיח בקרבכם אז הגוף מת הוא בדבר החטא והרוח חיים הוא בדבר הצדקה׃
11
ואם ישכן בקרבכם רוח המעיר את ישוע מן המתים הוא אשר העיר את המשיח מן המתים גם את גויותיכם המתות יחיה על ידי רוחו השכן בקרבכם׃
12
לכן אחי חיבים אנחנו לא לבשר לחיות לפי הבשר׃
13
כי אם תחיו לפי הבשר מות תמתון ואם על ידי הרוח תמותתו את מעללי הבשר חיה תחיו׃
14
כי כל אשר רוח אלהים ינהגם בני אלהים המה׃
15
כי לא קבלתם רוח עבדות לשוב לירא כי אם קבלתם רוח משפט בנים אשר בו קראים אנחנו אבא אבינו׃
16
והרוח ההוא מעיד ברוחנו כי בני אלהים אנחנו׃
17
ואם בנים אנחנו גם ירשים נהיה ירשי אלהים וחברי המשיח בירשה אם אמנם נתענה אתו למען גם אתו נכבד׃
1 Corinthiens 2:12
ואנחנו לא קבלנו את רוח העולם כי אם הרוח מאת האלהים למען נדע את אשר נתן לנו מאת האלהים בחסדו׃
1 Corinthiens 3:16
הלא ידעתם כי היכל אלהים אתם ורוח אלהים שכן בקרבכם׃
1 Corinthiens 3:17
ואיש אשר ישחית את היכל אלהים האלהים ישחית אתו כי היכל אלהים קדוש ואתם הנכם קדושים׃
1 Corinthiens 6:19
או הלא ידעתם כי גופכם הוא היכל רוח הקדש השכן בקרבכם אשר קבלתם מאת האלהים וכי לא לעצמכם אתם׃
Galates 5:22-25
22
ופרי הרוח אהבה שמחה ושלום ארך רוח ונדיבות וחסד ואמונה׃
23
וענוה ופרישות אין תורה לנגד עשי אלה׃
24
ואשר הם למשיח צלבו את בשרם עם כל תשוקתיו ותאותיו׃
25
אם נחיה ברוח נתהלכה גם ברוח׃
Ephésiens 2:20-22
20
בנוים על יסוד השליחים והנביאים וישוע המשיח הוא אבן הפנה׃
21
אשר חבר בו יחד הבנין כלו עדי יגבה להיכל קדש ליהוה׃
22
ובו נבנים גם אתם להיות משכן אלהים ברוח׃