וביום מלאת שבעת השבעות ויתאספו כלם לב אחד׃

וקהל המאמינים היה להם לב אחד ונפש אחת ואין איש מהם אומר על אשר בידו לי הוא כי הכל היה להם בשתפות׃

לב אחד יהי לכלכם אל תהלכו בגדלות כי אם התנהגו עם השפלים אל תהיו חכמים בעיניכם׃

ואלהי הסבלנות והנחמה הוא יתן לכם להיות כלכם לב אחד על פי המשיח ישוע׃

והנני מזהיר אתכם אחי בשם אדנינו ישוע המשיח להיות כלכם פה אחד ולא תהיין מחלקות בקרבכם כי אם תכוננו יחד בלב אחד ובעצה אחת׃

רק נתהלכה באשר הגענו עדיה במעגל אחד יבלב אחד׃

כה אמר יהוה צבאות לאמר משפט אמת שפטו וחסד ורחמים עשו איש את אחיו׃

הלא היה לך גם אתה לרחם על העבד חברך כאשר רחמתי אני עליך׃

ואיש שמרוני הלך בדרך ויבא עליו וירא אתו ויהמו רחמיו׃

שמחו עם השמחים ובכו עם הבכים׃

ואם יכאב אבר אחד יכאבו אתו כל האברים ואם יכבד אבד אחד ישמחו אתו כל האברים׃

כי אין חסד בדין לאשר לא עשה חסד והחסד יתגאה על הדין׃

אבל החכמה אשר ממעל בראשונה צנועה היא אף אהבת שלום ומכרעת לכף זכות ואיננה עמדת על דעתה ומלאה רחמים ופרי טוב בלא לב ולב ובלי חנפה׃

זכו את נפשתיכם על ידי הרוח בשמעכם בקול האמת לאהבת אחים בלא חנפה ואהבתם איש את רעהו אהבה חזקה בלב טהור׃

נהגו כבוד בכל איש אהבו את האחים יראו את אלהים כבדו את המלך׃

באהבת אחים הראו חבה יתרה ובכבוד הקדימו איש את רעהו׃

אהבת האחים תעמד׃

ובחסידות את האחוה ובאחוה את האהבה׃

אנחנו ידענו כי עברנו מן המות אל החיים על כי נאהב את אחינו איש אשר לא יאהב את אחיו ישאר במות׃

בני אל נא נאהב במלין ובלשון כי אם בפעל ובאמת׃

ובזאת נדעה כי מן האמת אנחנו ולפניו נשקיט את לבותינו׃

כרחם אב על בנים רחם יהוה על יראיו׃

מרבה הונו בנשך ובתרבית לחונן דלים יקבצנו׃

הלא היה לך גם אתה לרחם על העבד חברך כאשר רחמתי אני עליך׃

הנה מאשרים אנחנו את הסבלים את סבלנות איוב שמעתכם ואת אחרית האדון ראיתם כי רחום וחנון יהוה׃

וממחרת הגענו אל צידון ויוליוס עשה עם פולוס חסד וינח לו ללכת אל מידעיו להעזר בידם׃

ובסביבו המקום ההוא היו שדות אשר לראש אנשי האי ושמו פובליוס הוא הביא אתנו לביתו ויכלכל אתנו בטובו שלשת ימים׃

כל מרירות וחמה ורגז וצעקה וגדוף תסירו מכם עם כל הרשעה׃

והיו טובים איש אל רעהו ורחמנים וסלחים איש לאחיו כאשר סלח לכם האלהים במשיח׃

לכן לכו בדרך האלהים כבנים חביבים׃

והתהלכו באהבה כאשר גם המשיח אהב אתנו והקריב את נפשו בעדנו לקרבן וזבח לאלהים לריח ניחוח׃

ובכן אחי כל אשר הוא אמת ונכבד וישר וטהור ונעים ואשר שמעו טוב כל מעשה צדק כל מעשה שבח על אלה תשימו לבבכם׃

אשר למדתם וקבלתם ושמעתם וראיתם בי את אלה תעשו ואלהי השלום יהיה עמכם׃

לכן אתם כבחירי האלהים הקדשים והחביבים לבשו המון רחמים ונדיבות ונמיכות רוח וענוה וארך אפים׃