Exode 12:37
ויסעו בני ישראל מרעמסס סכתה כשש מאות אלף רגלי הגברים לבד מטף׃
Exode 12:51
ויהי בעצם היום הזה הוציא יהוה את בני ישראל מארץ מצרים על צבאתם׃
Michée 6:4
כי העלתיך מארץ מצרים ומבית עבדים פדיתיך ואשלח לפניך את משה אהרן ומרים׃
Exode 14:1-15
1
וידבר יהוה אל משה לאמר׃
2
דבר אל בני ישראל וישבו ויחנו לפני פי החירת בין מגדל ובין הים לפני בעל צפן נכחו תחנו על הים׃
3
ואמר פרעה לבני ישראל נבכים הם בארץ סגר עליהם המדבר׃
4
וחזקתי את לב פרעה ורדף אחריהם ואכבדה בפרעה ובכל חילו וידעו מצרים כי אני יהוה ויעשו כן׃
5
ויגד למלך מצרים כי ברח העם ויהפך לבב פרעה ועבדיו אל העם ויאמרו מה זאת עשינו כי שלחנו את ישראל מעבדנו׃
6
ויאסר את רכבו ואת עמו לקח עמו׃
7
ויקח שש מאות רכב בחור וכל רכב מצרים ושלשם על כלו׃
8
ויחזק יהוה את לב פרעה מלך מצרים וירדף אחרי בני ישראל ובני ישראל יצאים ביד רמה׃
9
וירדפו מצרים אחריהם וישיגו אותם חנים על הים כל סוס רכב פרעה ופרשיו וחילו על פי החירת לפני בעל צפן׃
10
ופרעה הקריב וישאו בני ישראל את עיניהם והנה מצרים נסע אחריהם וייראו מאד ויצעקו בני ישראל אל יהוה׃
11
ויאמרו אל משה המבלי אין קברים במצרים לקחתנו למות במדבר מה זאת עשית לנו להוציאנו ממצרים׃
12
הלא זה הדבר אשר דברנו אליך במצרים לאמר חדל ממנו ונעבדה את מצרים כי טוב לנו עבד את מצרים ממתנו במדבר׃
13
ויאמר משה אל העם אל תיראו התיצבו וראו את ישועת יהוה אשר יעשה לכם היום כי אשר ראיתם את מצרים היום לא תסיפו לראתם עוד עד עולם׃
14
יהוה ילחם לכם ואתם תחרישון׃
15
ויאמר יהוה אל משה מה תצעק אלי דבר אל בני ישראל ויסעו׃
Néhémie 9:11
והים בקעת לפניהם ויעברו בתוך הים ביבשה ואת רדפיהם השלכת במצולת כמו אבן במים עזים׃
Psaumes 77:15-20
15
גאלת בזרוע עמך בני יעקב ויוסף סלה׃
16
ראוך מים אלהים ראוך מים יחילו אף ירגזו תהמות׃
17
זרמו מים עבות קול נתנו שחקים אף חצציך יתהלכו׃
18
קול רעמך בגלגל האירו ברקים תבל רגזה ותרעש הארץ׃
19
בים דרכך ושביליך במים רבים ועקבותיך לא נדעו׃
20
נחית כצאן עמך ביד משה ואהרן׃
Psaumes 78:13
בקע ים ויעבירם ויצב מים כמו נד׃
Psaumes 136:13-15
13
לגזר ים סוף לגזרים כי לעולם חסדו׃
14
והעביר ישראל בתוכו כי לעולם חסדו׃
15
ונער פרעה וחילו בים סוף כי לעולם חסדו׃
Esaïe 63:12
מוליך לימין משה זרוע תפארתו בוקע מים מפניהם לעשות לו שם עולם׃
Esaïe 63:13
מוליכם בתהמות כסוס במדבר לא יכשלו׃
Actes 7:36
והוא הוציאם ויעש אתות ומפתים בארץ מצרים ובים סוף ובמדבר ארבעים שנה׃
Hébreux 11:29
באמונה עברו את ים סוף ביבשה אשר נסו מצרים גם המה לעבר בו ויטבעו׃