ויקמו האנשים וילכו ויצו יהושע את ההלכים לכתב את הארץ לאמר לכו והתהלכו בארץ וכתבו אותה ושובו אלי ופה אשליך לכם גורל לפני יהוה בשלה׃

וישלך להם יהושע גורל בשלה לפני יהוה ויחלק שם יהושע את הארץ לבני ישראל כמחלקתם׃

בגורל נחלתם כאשר צוה יהוה ביד משה לתשעת המטות וחצי המטה׃

לרב תרבה נחלתו ולמעט תמעיט נחלתו איש לפי פקדיו יתן נחלתו׃

אך בגורל יחלק את הארץ לשמות מטות אבתם ינחלו׃

והתנחלתם את הארץ בגורל למשפחתיכם לרב תרבו את נחלתו ולמעט תמעיט את נחלתו אל אשר יצא לו שמה הגורל לו יהיה למטות אבתיכם תתנחלו׃

ויצו משה את בני ישראל לאמר זאת הארץ אשר תתנחלו אתה בגורל אשר צוה יהוה לתת לתשעת המטות וחצי המטה׃

לאמר לך אתן את ארץ כנען חבל נחלתכם׃

בחיק יוטל את הגורל ומיהוה כל משפטו׃

מדינים ישבית הגורל ובין עצומים יפריד׃

וישמד שבעה גוים בארץ כנען ויחלק את ארצם להם לנחלה׃