אשריך ישראל מי כמוך עם נושע ביהוה מגן עזרך ואשר חרב גאותך ויכחשו איביך לך ואתה על במותימו תדרך׃

ויאמר ליתר בכורו קום הרג אותם ולא שלף הנער חרבו כי ירא כי עודנו נער׃

שאל ממני ואתנה גוים נחלתך ואחזתך אפסי ארץ׃

ועתה מלכים השכילו הוסרו שפטי ארץ׃

נשקו בר פן יאנף ותאבדו דרך כי יבער כמעט אפו אשרי כל חוסי בו׃

ואיבי נתתה לי ערף ומשנאי אצמיתם׃

על שחל ופתן תדרך תרמס כפיר ותנין׃

שפך בוז על נדיבים ויתעם בתהו לא דרך׃

לדוד מזמור נאם יהוה לאדני שב לימיני עד אשית איביך הדם לרגליך׃

אדני על ימינך מחץ ביום אפו מלכים׃

לאסר מלכיהם בזקים ונכבדיהם בכבלי ברזל׃

לעשות בהם משפט כתוב הדר הוא לכל חסידיו הללו יה׃

כי השח ישבי מרום קריה נשגבה ישפילנה ישפילה עד ארץ יגיענה עד עפר׃

תרמסנה רגל רגלי עני פעמי דלים׃

ופתחו שעריך תמיד יומם ולילה לא יסגרו להביא אליך חיל גוים ומלכיהם נהוגים׃

כי הגוי והממלכה אשר לא יעבדוך יאבדו והגוים חרב יחרבו׃

ועסותם רשעים כי יהיו אפר תחת כפות רגליכם ביום אשר אני עשה אמר יהוה צבאות׃

ואלהי השלום הוא ידכא את השטן במהרה תחת רגליכם חסד אדנינו ישוע המשיח עמכם׃

והמנצח ושמר את מעשי עד עת קץ אתן לו שלטן על הגוים׃

ורעם בשבט ברזל ככלי יוצר ינפצו כאשר קבלתי גם אנכי מאת אבי׃