ארדוף אויבי ואשיגם ולא אשוב עד כלותם׃

ותאזרני חיל למלחמה תכריע קמי תחתי׃

ישועו ואין מושיע על יהוה ולא ענם׃

ארור עשה מלאכת יהוה רמיה וארור מנע חרבו מדם׃

ויכרת יהוה מישראל ראש וזנב כפה ואגמון יום אחד׃

זקן ונשוא פנים הוא הראש ונביא מורה שקר הוא הזנב׃

ויהי ככלות יהושע ובני ישראל להכותם מכה גדולה מאד עד תמם והשרידים שרדו מהם ויבאו אל ערי המבצר׃

ואם אל עיר יאסף והשיאו כל ישראל אל העיר ההיא חבלים וסחבנו אתו עד הנחל עד אשר לא נמצא שם גם צרור׃

ויאמר דוד אל אבישי עתה ירע לנו שבע בן בכרי מן אבשלום אתה קח את עבדי אדניך ורדף אחריו פן מצא לו ערים בצרות והציל עיננו׃

על מה אנחנו ישבים האספו ונבוא אל ערי המבצר ונדמה שם כי יהוה אלהינו הדמנו וישקנו מי ראש כי חטאנו ליהוה׃