כי הנה המלכים נועדו עברו יחדו׃

רעדה אחזתם שם חיל כיולדה׃

אנה אלך מרוחך ואנה מפניך אברח׃

אשא כנפי שחר אשכנה באחרית ים׃

בוא בצור והטמן בעפר מפני פחד יהוה ומהדר גאנו׃

כי יום ליהוה צבאות על כל גאה ורם ועל כל נשא ושפל׃

אם יחתרו בשאול משם ידי תקחם ואם יעלו השמים משם אורידם׃

ומלכי הארץ והרזנים ושרי האלפים והעשירים והתקיפים וכל עבד וכל בן חרים התחבאו במערות ובסלעי ההרים׃

ותעז יד מדין על ישראל מפני מדין עשו להם בני ישראל את המנהרות אשר בהרים ואת המערות ואת המצדות׃

ואיש ישראל ראו כי צר לו כי נגש העם ויתחבאו העם במערות ובחוחים ובסלעים ובצרחים ובברות׃

ויבא אל גדרות הצאן על הדרך ושם מערה ויבא שאול להסך את רגליו ודוד ואנשיו בירכתי המערה ישבים׃

ויקם דוד אחרי כן ויצא מן המערה ויקרא אחרי שאול לאמר אדני המלך ויבט שאול אחריו ויקד דוד אפים ארצה וישתחו׃

ובאו במערות צרים ובמחלות עפר מפני פחד יהוה ומהדר גאונו בקומו לערץ הארץ׃

לבוא בנקרות הצרים ובסעפי הסלעים מפני פחד יהוה ומהדר גאונו בקומו לערץ הארץ׃

והיה ביום ההוא יפקד יהוה על צבא המרום במרום ועל מלכי האדמה על האדמה׃

ואספו אספה אסיר על בור וסגרו על מסגר ומרב ימים יפקדו׃

ילחכו עפר כנחש כזחלי ארץ ירגזו ממסגרתיהם אל יהוה אלהינו יפחדו ויראו ממך׃