לא יתיצב איש לפניך כל ימי חייך כאשר הייתי עם משה אהיה עמך לא ארפך ולא אעזבך׃

כה יעשה יהוה ליהונתן וכה יסיף כי ייטב אל אבי את הרעה עליך וגליתי את אזנך ושלחתיך והלכת לשלום ויהי יהוה עמך כאשר היה עם אבי׃

כאשר היה יהוה עם אדני המלך כן יהי עם שלמה ויגדל את כסאו מכסא אדני המלך דוד׃

ויאמר דויד לשלמה בנו חזק ואמץ ועשה אל תירא ואל תחת כי יהוה אלהים אלהי עמך לא ירפך ולא יעזבך עד לכלות כל מלאכת עבודת בית יהוה׃

למנצח מזמור לדוד יענך יהוה ביום צרה ישגבך שם אלהי יעקב׃

יתן לך כלבבך וכל עצתך ימלא׃

יהוה הושיעה המלך יעננו ביום קראנו׃

אנא יהוה הושיעה נא אנא יהוה הצליחה נא׃

ברוך הבא בשם יהוה ברכנוכם מבית יהוה׃

והמון העם ההלכים לפניו ואחריו קראו לאמר הושע נא לבן דוד ברוך הבא בשם יהוה הושע נא במרומים׃

ועתה קדם כל דבר אבקשה מכם לשאת תפלות ותחנונים ובקשות ותודות בעד כל בני אדם׃

בעד המלכים וכל השליטים למען נחיה חיי השקט ובטח בכל חסידות וישר׃