ויגש אברהם ויאמר האף תספה צדיק עם רשע׃

ואתה שלמה בני דע את אלהי אביך ועבדהו בלב שלם ובנפש חפצה כי כל לבבות דורש יהוה וכל יצר מחשבות מבין אם תדרשנו ימצא לך ואם תעזבנו יזניחך לעד׃

ויצא לפני אסא ויאמר לו שמעוני אסא וכל יהודה ובנימן יהוה עמכם בהיותכם עמו ואם תדרשהו ימצא לכם ואם תעזבהו יעזב אתכם׃

ואני קרבת אלהים לי טוב שתי באדני יהוה מחסי לספר כל מלאכותיך׃

קרוב יהוה לכל קראיו לכל אשר יקראהו באמת׃

ויאמר אדני יען כי נגש העם הזה בפיו ובשפתיו כבדוני ולבו רחק ממני ותהי יראתם אתי מצות אנשים מלמדה׃

דרשו יהוה בהמצאו קראהו בהיותו קרוב׃

יעזב רשע דרכו ואיש און מחשבתיו וישב אל יהוה וירחמהו ואל אלהינו כי ירבה לסלוח׃

לכו ונשובה אל יהוה כי הוא טרף וירפאנו יך ויחבשנו׃

יחינו מימים ביום השלישי יקמנו ונחיה לפניו׃

ואמרת אלהם כה אמר יהוה צבאות שובו אלי נאם יהוה צבאות ואשוב אליכם אמר יהוה צבאות׃

למימי אבתיכם סרתם מחקי ולא שמרתם שובו אלי ואשובה אליכם אמר יהוה צבאות ואמרתם במה נשוב׃

כי התורה לא השלימה דבר והנה נכנסה במקומה תקוה טובה ממנה אשר נקרב על ידה לאלהים׃

נקרבה נא בלבב שלם ובאמונה תמימה מטהרים בהזית לבבנו מרוח רעה ורחוצי בשר במים טהורים׃

אם התרחצתי במו שלג והזכותי בבר כפי׃

על לא חמס בכפי ותפלתי זכה׃

ויאחז צדיק דרכו וטהר ידים יסיף אמץ׃

יגמלני יהוה כצדקי כבר ידי ישיב לי׃

נקי כפים ובר לבב אשר לא נשא לשוא נפשי ולא נשבע למרמה׃

ארחץ בנקיון כפי ואסבבה את מזבחך יהוה׃

אך ריק זכיתי לבבי וארחץ בנקיון כפי׃

ובפרשכם כפיכם אעלים עיני מכם גם כי תרבו תפלה אינני שמע ידיכם דמים מלאו׃

רחצו הזכו הסירו רע מעלליכם מנגד עיני חדלו הרע׃

כל הנמצא ידקר וכל הנספה יפול בחרב׃

ויאמרו מדוע תלמידיך עברים את קבלת הזקנים כי אינם רחצים את ידיהם באכלם לחם׃

ויהי כראות פילטוס כי לא יועיל מאומה ורבתה עוד המהודה ויקח מים וירחץ את ידיו לעיני העם ויאמר נקי אנכי מדם הצדיק הזה אתם תראו׃

לכן רצוני שיתפללו האנשים בכל מקום וישאו ידיהם קדש בלי כעס ומדון׃

וזה הוא אות הטבילה אשר כעת תושיע גם אתנו לא בהסיר טנוף הבשר כי אם בשאל לנו מאת אלהים רוח שלמה על ידי הקמת ישוע המשיח׃

הן אמת חפצת בטחות ובסתם חכמה תודיעני׃

תחטאני באזוב ואטהר תכבסני ומשלג אלבין׃

לב טהור ברא לי אלהים ורוח נכון חדש בקרבי׃

בעת ההיא יאמר לעם הזה ולירושלם רוח צח שפיים במדבר דרך בת עמי לוא לזרות ולוא להבר׃

השליכו מעליכם את כל פשעיכם אשר פשעתם בם ועשו לכם לב חדש ורוח חדשה ולמה תמתו בית ישראל׃

וזרקתי עליכם מים טהורים וטהרתם מכל טמאותיכם ומכל גלוליכם אטהר אתכם׃

ואת רוחי אתן בקרבכם ועשיתי את אשר בחקי תלכו ומשפטי תשמרו ועשיתם׃

או עשו את העץ טוב ופריו טוב או עשו את העץ משחת ופריו משחת כי בפריו נכר העץ׃

אוי לכם הסופרים והפרושים החנפים כי מטהרים אתם פני הכוס והקערה מחוץ ותוכן מלא גזל ופריצות׃

פרוש עור טהר בראשונה את תוך הכוס למען תטהר גם מחוץ׃

ויאמר אליו האדון כעת אתם הפרושים מטהרים את הכום והקערה מחוץ והפנימי אשר בכם הוא מלא גזל ורשע׃

הכסילים הלא עשה החיצון גם עשה את הפנימי׃

ולא הבדיל בינינו וביניהם כי טהר את לבבם על ידי האמונה׃

לכן חביבי בהיות לנו ההבטחות האלה נטהרה את עצמנו מכל טמאת בשר ורוח להשלים קדשתנו ביראת אלהים׃

זכו את נפשתיכם על ידי הרוח בשמעכם בקול האמת לאהבת אחים בלא חנפה ואהבתם איש את רעהו אהבה חזקה בלב טהור׃

וכל אשר לו תקוה כזאת יטהר את עצמו כאשר טהור גם הוא׃

איש אשר חלק לבו הפכפך הוא בכל דרכיו׃