אם ישים אליו לבו רוחו ונשמתו אליו יאסף׃

יגוע כל בשר יחד ואדם על עפר ישוב׃

תסתיר פניך יבהלון תסף רוחם יגועון ואל עפרם ישובון׃

תצא רוחו ישב לאדמתו ביום ההוא אבדו עשתנתיו׃

וישב העפר על הארץ כשהיה והרוח תשוב אל האלהים אשר נתנה׃

חדלו לכם מן האדם אשר נשמה באפו כי במה נחשב הוא׃

ויקרא ישוע בקול גדול ויאמר אבי בידך אפקיד רוחי ובאמרו זאת נפח נפשו׃

ויסקלו את אסטפנוס והוא משוע ואמר אדני ישוע קבל את רוחי׃

ויכרע על ברכיו ויצעק בקול גדול יהוה אל תשמר להם את החטא הזה ויהי אחרי דברו כדבר הזה ויישן׃

אחי מה יועיל לאיש אם יאמר כי יש לו אמונה ומעשים אין בו התוכל האמונה להושיעו׃

ככה גם האמונה אם אין בה מעשים מתה היא בעצמה׃

ואתה איש בער התחפץ לדעת כי האמונה בבלי מעשים מתה היא׃