לא מים עיף תשקה ומרעב תמנע לחם׃

אלמנות שלחת ריקם וזרעות יתמים ידכא׃

אל תמנע טוב מבעליו בהיות לאל ידיך לעשות׃

אל תאמר לרעיך לך ושוב ומחר אתן ויש אתך׃

ויהי לפנות ערב ויגשו אליו תלמידיו ויאמרו המקום חרב וגם נטה היום שלחה את המון העם וילכו אל הכפרים לקנות להם אכל׃

ויאמר אליהם אינם צריכים ללכת תנו אתם להם לאכל׃

ויקרא ישוע אל תלמידיו ויאמר נכמרו רחמי על העם כי זה שלשת ימים עמדו עמדי ואין להם מה לאכל ואינני אבה לשלחם רעבים פן יתעלפו בדרך׃

כי רעב הייתי ולא האכלתם אותי צמא הייתי ולא השקיתם אותי׃

וענו גם הם ואמרו אדנינו מתי ראינוך רעב או צמא או גר או ערום או חולה או במשמר ולא שרתנוך׃

האהבה תהיה בלי חנפה שנאו את הרע ודבקו בטוב׃

ואינני אמר זאת בדרך צווי כי אם לבחן על ידי זריזות אחרים גם את אמתת אהבתכם׃

בזאת הכרנו את האהבה כי הוא נתן את נפשו בעדנו גם אנחנו חיבים לתת את נפשתינו בעד אחינו׃

בני אל נא נאהב במלין ובלשון כי אם בפעל ובאמת׃