שלא תעצלו כי אם תלכו בעקבות היורשים באמונה וארך רוח את ההבטחות׃

ואעשך לגוי גדול ואברכך ואגדלה שמך והיה ברכה׃

ואברכה מברכיך ומקללך אאר ונברכו בך כל משפחת האדמה׃

ויאמר אברם אדני יהוה מה תתן לי ואנכי הולך ערירי ובן משק ביתי הוא דמשק אליעזר׃

והנה דבר יהוה אליו לאמר לא יירשך זה כי אם אשר יצא ממעיך הוא יירשך׃

והאמן ביהוה ויחשבה לו צדקה׃

וברכתי אתה וגם נתתי ממנה לך בן וברכתיה והיתה לגוים מלכי עמים ממנה יהיו׃

ויפל אברהם על פניו ויצחק ויאמר בלבו הלבן מאה שנה יולד ואם שרה הבת תשעים שנה תלד׃

ותהר ותלד שרה לאברהם בן לזקניו למועד אשר דבר אתו אלהים׃

וימל אברהם את יצחק בנו בן שמנת ימים כאשר צוה אתו אלהים׃

ותאמר שרה צחק עשה לי אלהים כל השמע יצחק לי׃

ובני ישראל פרו וישרצו וירבו ויעצמו במאד מאד ותמלא הארץ אתם׃

ויענני יהוה ויאמר כתוב חזון ובאר על הלחות למען ירוץ קורא בו׃

כי עוד חזון למועד ויפח לקץ ולא יכזב אם יתמהמה חכה לו כי בא יבא לא יאחר׃

ככתוב כי אב המון גוים נתתיך והוא האמין בהביט אל אל המחיה את המתים והקורא את אשר לא היה כמו הוה׃

ולא רפתה אמונתו ולא התבונן אל גופו שכבר נפוג בהיותו כבן מאת שנה ואל בלות רחם שרה׃

וידע בלבב שלם כי את אשר הבטיח גם יכל לעשותו׃

ולא לבד למענו כתובה זאת שנחשבה לו׃

אשר נמסר בעבור פשעינו ונעור לבעבור צדקנו׃