כי אל מי מן המלאכים אמר מעולם בני אתה אני היום ילדתיך ועוד אני אהיה לו לאב והוא יהיה לי לבן׃

אך על הבן אמר כסאך אלהים עולם ועד שבט מישר שבט מלכותך׃

אבל המשיח הוא הבן על ביתו ואנחנו ביתו אם נחזיק בבטחון ובתהלת התקוה ולא נרפנה עד הקץ׃

ובעבור זאת אמר בבואו לעולם זבח ומנחה לא חפצת גוף כוננת לי׃

אז אמרתי הנה באתי במגלת ספר כתוב עלי לעשות רצונך אלהי׃

אז אמר הנה באתי לעשות רצונך אלהי מעביר בזה את הראשונה למען הקים את השניה׃

אדני יהוה פתח לי אזן ואנכי לא מריתי אחור לא נסוגתי׃

גוי נתתי למכים ולחיי למרטים פני לא הסתרתי מכלמות ורק׃

ויען ישוע ויאמר אליו הניחה לי כי כן נאוה לנו למלא כל הצדקה וינח לו׃

ויאמר אליהם ישוע מאכלי הוא לעשות רצון שלחי ולהשלים מעשהו׃

כי ירדתי מן השמים לא לעשות רצוני כי אם רצון שלחי׃

אם תשמרו את מצותי תעמדו באהבתי כאשר שמרתי גם אני את מצות אבי ועמדתי באהבתו׃

וישפל את נפשו ויכנע עד מות עד מיתת הצליבה׃