ואמרתם כה לחי ואתה שלום וביתך שלום וכל אשר לך שלום׃

ישלחו כצאן עויליהם וילדיהם ירקדון׃

יבלו בטוב ימיהם וברגע שאול יחתו׃

מה שדי כי נעבדנו ומה נועיל כי נפגע בו׃

בעמל אנוש אינמו ועם אדם לא ינגעו׃

יצא מחלב עינמו עברו משכיות לבב׃

והנה ששון ושמחה הרג בקר ושחט צאן אכל בשר ושתות יין אכול ושתו כי מחר נמות׃

הפרטים על פי הנבל כדויד חשבו להם כלי שיר׃

השתים במזרקי יין וראשית שמנים ימשחו ולא נחלו על שבר יוסף׃

ואמר לנפשי נפשי יש לך עתודות הרבה לשנים רבות הנפשי אכלי שתי ושישי׃

ויהי מקץ ימים ויאסף הבן הצעיר את הכל וילך אל ארץ רחוקה ושם פזר את רכשו וילך בדרך סובאים וזוללים׃

איש עשיר היה והוא לבוש ארגמן ושש ויתעגג וישמח יום יום׃

התעדנתם בארץ והתענגתם והשמנתם את לבכם כמו ליום טבחה׃

כאשר התרוממה והתענגה כן תנו לה חבל ואבל כי אמרה התרוממה והתענגה כן תנו לה חבל ואבל כי אמרה בלבבה אני ישבתי מלכה ולא אהיה אלמנה ואבל לא אראה׃

האיש הרך בך והענג מאד תרע עינו באחיו ובאשת חיקו וביתר בניו אשר יותיר׃

הרכה בך והענגה אשר לא נסתה כף רגלה הצג על הארץ מהתענג ומרך תרע עינה באיש חיקה ובבנה ובבתה׃

ויאמר שמואל הגישו אלי את אגג מלך עמלק וילך אליו אגג מעדנת ויאמר אגג אכן סר מר המות׃

מפנק מנער עבדו ואחריתו יהיה מנון׃

רדי ושבי על עפר בתולת בת בבל שבי לארץ אין כסא בת כשדים כי לא תוסיפי יקראו לך רכה וענגה׃

הנוה והמענגה דמיתי בת ציון׃

האכלים למעדנים נשמו בחוצות האמנים עלי תולע חבקו אשפתות׃

ואם לא מה זה יצאתם לראות האיש לבוש בגדי עדנים הנה המלבשים בגדי תפארת והמענגים בחצרות המלכים המה׃

ויאמר אליו ישוע לך אחרי והנח למתים לקבר את מתיהם׃

כי זה בני היה מת ויחי ואובד היה וימצא ויחלו לשמח׃

אבל נכון לשוש ולשמח כי אחיך זה היה מת ויחי ואבד היה וימצא׃

כי אהבת המשיח דחקת אתנו בהיותנו דנים אשר אם מת אחד בעד כלם כלם מתו׃

ובעד כלם מת למען לא יחיו החיים עוד לנפשם כי אם לאשר מת ויקם בעדם׃

גם אתכם המתים לפנים בפשעיכם וחטאתיכם׃

אחרי היותנו מתים בפשעים החינו עם המשיח בחסד נושעתם׃

על כן הוא אומר עורה הישן וקומה מן המתים ויאר לך המשיח׃

גם אתכם המתים בפשעים ובערלת בשרכם החיה אתו בסלח לכם את כל פשעיכם׃

ואל מלאך קהל סרדיס כתב כה אמר אשר לו שבע רוחות האלהים ושבעת הכוכבים ידעתי את מעשיך כי לך שם כאלו אתה חי והנך מת׃