ויאמר שמואל החפץ ליהוה בעלות וזבחים כשמע בקול יהוה הנה שמע מזבח טוב להקשיב מחלב אילים׃

שמעה עמי ואדברה ישראל ואעידה בך אלהים אלהיך אנכי׃

לא אקח מביתך פר ממכלאתיך עתודים׃

ידעתי כל עוף הרים וזיז שדי עמדי׃

האוכל בשר אבירים ודם עתודים אשתה׃

וקראני ביום צרה אחלצך ותכבדני׃

למה לי רב זבחיכם יאמר יהוה שבעתי עלות אילים וחלב מריאים ודם פרים וכבשים ועתודים לא חפצתי׃

לא תוסיפו הביא מנחת שוא קטרת תועבה היא לי חדש ושבת קרא מקרא לא אוכל און ועצרה׃

ובפרשכם כפיכם אעלים עיני מכם גם כי תרבו תפלה אינני שמע ידיכם דמים מלאו׃

למה צמנו ולא ראית ענינו נפשנו ולא תדע הן ביום צמכם תמצאו חפץ וכל עצביכם תנגשו׃

הכזה יהיה צום אבחרהו יום ענות אדם נפשו הלכף כאגמן ראשו ושק ואפר יציע הלזה תקרא צום ויום רצון ליהוה׃

למה זה לי לבונה משבא תבוא וקנה הטוב מארץ מרחק עלותיכם לא לרצון וזבחיכם לא ערבו לי׃

שנאתי מאסתי חגיכם ולא אריח בעצרתיכם׃

הסר מעלי המון שריך וזמרת נבליך לא אשמע׃

המאכל לא יקרב אתכם לאלהים כי אם נאכל אין לנו יתרון ואם לא נאכל לא נגרע׃

אל תאחז אל תטעם אל תגע׃

הנראים כעין חכמה בעבודה בדויה מלב ובשפלות רוח ובענוי הגוף שלא כהגן רק להשביע הבשר׃

אל תנועו בתורות שנות וזרות כי טוב לכונן לבנו בחסד ולא בעניני מאכל אשר לא הועילו למתהלכים בהם׃

והוא משל על העת ההוה אשר בה מקריבים מנחות וזבחים אשר לא יוכלו להשלים את לבב העבד׃

אך משפטי הגוף המה עם המאכלות והמשקים והטבילות השנות אשר הושמו עד עת התקון׃

ואף אמנם יתרון גדול היא החסידות עם לב שמח בגורלו׃

הלאל יסכן גבר כי יסכן עלימו משכיל׃

נאמן הוא הדבר ורצה אני כי תקים את אלה למען אשר ישתדלו המאמינים לאלהים לעשק במעשים טובים עשות כאלה טוב הוא ומועיל לאדם׃

והיה אם שמוע תשמע בקול יהוה אלהיך לשמר לעשות את כל מצותיו אשר אנכי מצוך היום ונתנך יהוה אלהיך עליון על כל גויי הארץ׃

ברוך אתה בעיר וברוך אתה בשדה׃

ברוך טנאך ומשארתך׃

יתן יהוה את איביך הקמים עליך נגפים לפניך בדרך אחד יצאו אליך ובשבעה דרכים ינוסו לפניך׃

יקימך יהוה לו לעם קדוש כאשר נשבע לך כי תשמר את מצות יהוה אלהיך והלכת בדרכיו׃

והותרך יהוה לטובה בפרי בטנך ובפרי בהמתך ובפרי אדמתך על האדמה אשר נשבע יהוה לאבתיך לתת לך׃

ונתנך יהוה לראש ולא לזנב והיית רק למעלה ולא תהיה למטה כי תשמע אל מצות יהוה אלהיך אשר אנכי מצוך היום לשמר ולעשות׃

בשש צרות יצילך ובשבע לא יגע בך רע׃

בשוט לשון תחבא ולא תירא משד כי יבוא׃

כי עם אבני השדה בריתך וחית השדה השלמה לך׃

וידעת כי רב זרעך וצאצאיך כעשב הארץ׃

בטח ביהוה ועשה טוב שכן ארץ ורעה אמונה׃

והתענג על יהוה ויתן לך משאלת לבך׃

טוב מעט לצדיק מהמון רשעים רבים׃

יודע יהוה ימי תמימם ונחלתם לעולם תהיה׃

כי שמש ומגן יהוה אלהים חן וכבוד יתן יהוה לא ימנע טוב להלכים בתמים׃

לא תאנה אליך רעה ונגע לא יקרב באהלך׃

על כפים ישאונך פן תגף באבן רגלך׃

כי בי חשק ואפלטהו אשגבהו כי ידע שמי׃

ארך ימים אשביעהו ואראהו בישועתי׃

הללו יה אשרי איש ירא את יהוה במצותיו חפץ מאד׃

הון ועשר בביתו וצדקתו עמדת לעד׃

שיר המעלות אשרי כל ירא יהוה ההלך בדרכיו׃

אשתך כגפן פריה בירכתי ביתך בניך כשתלי זיתים סביב לשלחנך׃

יברכך יהוה מציון וראה בטוב ירושלם כל ימי חייך׃

רצון יראיו יעשה ואת שועתם ישמע ויושיעם׃

ארך ימים בימינה בשמאולה עשר וכבוד׃

עץ חיים היא למחזיקים בה ותמכיה מאשר׃

אשר חטא עשה רע מאת ומאריך לו כי גם יודע אני אשר יהיה טוב ליראי האלהים אשר ייראו מלפניו׃

אמרו צדיק כי טוב כי פרי מעלליהם יאכלו׃

והיה מעשה הצדקה שלום ועבדת הצדקה השקט ובטח עד עולם׃

וישב עמי בנוה שלום ובמשכנות מבטחים ובמנוחת שאננות׃

הוא מרומים ישכן מצדות סלעים משגבו לחמו נתן מימיו נאמנים׃

לכן כה אמר אדני יהוה הנה עבדי יאכלו ואתם תרעבו הנה עבדי ישתו ואתם תצמאו הנה עבדי ישמחו ואתם תבשו׃

הנה עבדי ירנו מטוב לב ואתם תצעקו מכאב לב ומשבר רוח תילילו׃

אשרי עניי רוח כי להם מלכות השמים׃

אשרי הענוים כי המה יירשו הארץ׃

אשרי הרחמנים כי הם ירחמו׃

אשרי רדפי שלום כי בני אלהים יקראו׃

אשריכם אם יחרפו וירדפו אתכם וידברו בשקר עליכם כל רע בעבורי׃

אך בקשו בראשונה את מלכות אלהים ואת צדקתו ונוסף לכם כל אלה׃

וכל איש אשר עזב את בתיו ואת אחיו ואת אחיותיו ואת אביו ואת אמו ואת אשתו ואת בניו ואת שדותיו למען שמי הוא יקח מאה שערים וחיי עולמים יירש׃

הן ידעת את המצות לא תנאף לא תרצח לא תגנב לא תענה עד שקר לא תעשק כבד את אביך ואת אמך׃

ויען ויאמר אליו רבי את כל אלה שמרתי נעורי׃

אך בקשו את מלכות האלהים ונוסף לכם כל אלה׃

אל תירא העדר הקטן כי רצה אביכם לתת לכם את המלכות׃

והנה ידענו כי לאהבי אלהים הקרואים בעצתו הכל יעזר לטוב להם׃

אם פולוס אם אפולוס ואם כיפא אם העולם אם החיים ואם המות אם ההוה ואם העתיד הכל הוא שלכם׃

באשר גבורתו האלהית נתנה לנו את כל אשר לחיים ולחסידות על ידי דעת הקורא אתנו בכבודו וחילו׃

אשר בהם נתן לנו הבטחות גדלות מאד ויקרות למען תקחו על ידן חלק בטבע אלהים בהמלטכם מכליון התאוה אשר בעולם׃

וההבטחה אשר הבטיחנו היא חיי עולמים׃

המנצח אתננו לעמוד בהיכל אלהי ולא יצא עוד החוצה וכתבתי עליו את שם אלהי ואת שם עיר אלהי ירושלים החדשה הירדת משמים מעם אלהי ואת שמי החדש׃

המנצח אתננו לשבת אתי על כסאי כאשר נצחתי גם אנכי ואשב את אבי על כסאו׃