ושמרתם ועשיתם כי הוא חכמתכם ובינתכם לעיני העמים אשר ישמעון את כל החקים האלה ואמרו רק עם חכם ונבון הגוי הגדול הזה׃

ומי גוי גדול אשר לו חקים ומשפטים צדיקם ככל התורה הזאת אשר אנכי נתן לפניכם היום׃

ועל הר סיני ירדת ודבר עמהם משמים ותתן להם משפטים ישרים ותורות אמת חקים ומצות טובים׃

תורת יהוה תמימה משיבת נפש עדות יהוה נאמנה מחכימת פתי׃

יראת יהוה טהורה עומדת לעד משפטי יהוה אמת צדקו יחדו׃

לכל תכלה ראיתי קץ רחבה מצותך מאד׃

מאיבי תחכמני מצותך כי לעולם היא לי׃

מזקנים אתבונן כי פקודיך נצרתי׃

ממשפטיך לא סרתי כי אתה הורתני׃

מפקודיך אתבונן על כן שנאתי כל ארח שקר׃

ובכן התורה היא קדושה והמצוה קדושה וישרה וטובה׃

הכי הטובה היתה לי למות חלילה אלא החטא למען יראה כי חטא הוא הביא לי על ידי הטובה את המות למען אשר יהיה החטא לחטאה יתרה על ידי המצוה׃

ובעשותי את אשר לא רציתי בו הנני מודה בזאת כי התורה טובה היא׃

כי ידעתי אשר בי בבשרי לא ישב טוב הן הרצון יש עמדי אבל עשות הטוב לא מצאתי׃

כי לפי האדם הפנימי חפצתי בתורת אלהים׃

ואל תשתוו לעולם הזה כי אם התחלפו בהתחדש דעתכם למען תבחנו לדעת מה הוא רצון האלהים הטוב והחמד והשלם׃

ועתה הכי התורה סתרת את הבטחות האלהים חלילה כי אלו נתנה תורה אשר בכחה להחיות אז באמת היתה הצדקה על ידי התורה׃

וגם אם נאבק איש לא יכתר אם לא יאבק כמשפט׃