ועוד נבקשה מכם אחי ונזהיר אתכם באדנינו ישוע כי כאשר קבלתם מאתנו איך לכם להתהלך ולמצא חן בעיני האלהים כן תוסיפו וכן תרבו עוד׃

על כן נחמו זה את זה ובנו איש את אחיו כאשר גם עשיתם׃

ויעבר במדינות ההן ויזהר אתם בדברים רבים ויבא אל ארץ יון׃

ואנשים כאלה נצוה אותם ונבקש מהם באדנינו ישוע המשיח לעבד בנחת למען יאכלו את לחמם׃

ואלה אשר אדניהם בני אמונה אל יקלו אתם על היותם אחים כי אם יעבדום ביותר בעבור כי מאמינים ואהובים הם המשתדלים לגמל חסד את זאת תלמד ותצוה׃

הכרז את הדבר והתמד בין בעתו בין שלא בעתו הוכח וגער והזהר בכל ארך רוח והוראה׃

ככה תזהיר גם את הבחורים שיהיו צנועים׃

העבדים יכנעו לאדניהם ויתרצו להם בכל דבר ולא ימרו את דבריהם׃

את אלה תדבר ותזהיר ותוכיח בכל חזקה ואיש אל יבוז לך׃

ואבקש מכם אחי שאו נא דבר התוכחה כי כתבתי אליכם בקצרה׃

והעמדת אתו לפני אלעזר הכהן ולפני כל העדה וצויתה אתו לעיניהם׃

וצו את יהושע וחזקהו ואמצהו כי הוא יעבר לפני העם הזה והוא ינחיל אותם את הארץ אשר תראה׃

ויאמר יהוה אל משה הן קרבו ימיך למות קרא את יהושע והתיצבו באהל מועד ואצונו וילך משה ויהושע ויתיצבו באהל מועד׃

והנה זאת אני אמר ומעיד באדון כי מעתה לא תלכו עוד כיתר הגוים ההלכים בהבלי שכלם׃

וזאת תצוה למען תהיינה בלא דפי׃

הנני מעיד בך נגד האלהים ואדנינו ישוע המשיח ונגד בחירי המלאכים אשר שמור תשמר את זאת בלי משפט נמהר ולא תעשה דבר במשא פנים׃

הנני מצוך נגד האלהים המחיה את כל ונגד המשיח ישוע אשר העיד ההודאה היפה לפני פנטיוס פילטוס׃

את עשירי העולם הזה תצוה שלא ירום לבבם גם לא יבטחו בעשר הבוגד כי אם באלהים חיים המספיק לנו די והותר לשבע׃

לכן אני מעיד בך נגד האלהים ונגד אדנינו ישוע המשיח הבא לשפט את החיים ואת המתים בהופעתו ובמלכותו׃

ויצוו אל יוסף לאמר אביך צוה לפני מותו לאמר׃

כה תאמרו ליוסף אנא שא נא פשע אחיך וחטאתם כי רעה גמלוך ועתה שא נא לפשע עבדי אלהי אביך ויבך יוסף בדברם אליו׃

עתה בני יהי יהוה עמך והצלחת ובנית בית יהוה אלהיך כאשר דבר עליך׃

אז תצליח אם תשמור לעשות את החקים ואת המשפטים אשר צוה יהוה את משה על ישראל חזק ואמץ אל תירא ואל תחת׃

ואתה שלמה בני דע את אלהי אביך ועבדהו בלב שלם ובנפש חפצה כי כל לבבות דורש יהוה וכל יצר מחשבות מבין אם תדרשנו ימצא לך ואם תעזבנו יזניחך לעד׃

ויאמר דויד לשלמה בנו חזק ואמץ ועשה אל תירא ואל תחת כי יהוה אלהים אלהי עמך לא ירפך ולא יעזבך עד לכלות כל מלאכת עבודת בית יהוה׃

לכו בנים שמעו לי יראת יהוה אלמדכם׃

בני אם יפתוך חטאים אל תבא׃

בני אל תלך בדרך אתם מנע רגלך מנתיבתם׃

בני אם תקח אמרי ומצותי תצפן אתך׃

בני תורתי אל תשכח ומצותי יצר לבך׃

שמעו בנים מוסר אב והקשיבו לדעת בינה׃

כי בן הייתי לאבי רך ויחיד לפני אמי׃

קנה חכמה קנה בינה אל תשכח ואל תט מאמרי פי׃

ראשית חכמה קנה חכמה ובכל קנינך קנה בינה׃

תתן לראשך לוית חן עטרת תפארת תמגנך׃

בדרך חכמה הרתיך הדרכתיך במעגלי ישר׃

בני לחכמתי הקשיבה לתבונתי הט אזנך׃

לשמר מזמות ודעת שפתיך ינצרו׃

בני אם ערבת לרעך תקעת לזר כפיך׃

בני שמר אמרי ומצותי תצפן אתך׃

ועתה בנים שמעו לי והקשיבו לאמרי פי׃

דברי למואל מלך משא אשר יסרתו אמו׃

אל תתן לנשים חילך ודרכיך למחות מלכין׃

פן ישתה וישכח מחקק וישנה דין כל בני עני׃

ישתה וישכח רישו ועמלו לא יזכר עוד׃

פתח פיך שפט צדק ודין עני ואביון׃

ולא לביש אתכם אני כתב הדברים האלה כי אם מזהיר אתכם כבני האהובים׃

כי גם אם היו לכם רבבות אמנים במשיח אין לכם אבות רבים כי אנכי הולדתי אתכם בישוע המשיח על ידי הבשורה׃