ויעבר יהוה על פניו ויקרא יהוה יהוה אל רחום וחנון ארך אפים ורב חסד ואמת׃

נצר חסד לאלפים נשא עון ופשע וחטאה ונקה לא ינקה פקד עון אבות על בנים ועל בני בנים על שלשים ועל רבעים׃

ידעתי יהוה כי צדק משפטיך ואמונה עניתני׃

עשה שמים וארץ את הים ואת כל אשר בם השמר אמת לעולם׃

כה אמר יהוה גאל ישראל קדושו לבזה נפש למתעב גוי לעבד משלים מלכים יראו וקמו שרים וישתחוו למען יהוה אשר נאמן קדש ישראל ויבחרך׃

חדשים לבקרים רבה אמונתך׃

נאמן הוא האלהים אשר על פיו נקראתם לחברת בנו ישוע המשיח אדנינו׃

וכלם אכלם מאכל אחד רוחני׃

אכן נאמן האלהים כי דברנו אליכם לא היה הן ולא׃

נאמן הקורא אתכם אשר גם יעשה׃

אבל נאמן הוא האדון אשר יחזק אתכם וישמרכם מן הרע׃

אם לא נאמין הנה הוא קים באמונתו כי לכחש בעצמו לא יוכל׃

עלי תקות חיי העולם אשר הבטיח לפני ימות עולם האל אשר לא ישקר׃

למען על פי שני דברים בלתי משתנים אשר חלילה לאלהים לשקר בם יהיה לנו אשר נסנו עליו זרוז גדול לאחז בתקוה הנתונה לפנינו׃

נחזיקה בהודית התקוה בל נמוט כי נאמן המבטיח׃

באמונה שרה גם היא קבלה הכח להזריע ותלד אחרי בלתה כי חשבה לנאמן את המבטיח׃

ואם נתודה את חטאתינו נאמן הוא וצדיק לסלח לנו את חטאתינו ולטהרנו מכל עון׃

ועשה חסד לאלפים לאהבי ולשמרי מצותו׃

והקמתי את בריתי ביני ובינך ובין זרעך אחריך לדרתם לברית עולם להיות לך לאלהים ולזרעך אחריך׃

ועשה חסד לאלפים לאהבי ולשמרי מצותי׃

ואמר אנא יהוה אלהי השמים האל הגדול והנורא שמר הברית וחסד לאהביו ולשמרי מצותיו׃

ואתפללה ליהוה אלהי ואתודה ואמרה אנא אדני האל הגדול והנורא שמר הברית והחסד לאהביו ולשמרי מצותיו׃

והנה ידענו כי לאהבי אלהים הקרואים בעצתו הכל יעזר לטוב להם׃

אבל אם יאהב איש את האלהים האלהים ידעו׃

אשרי האיש העמד בנסיונו כי כאשר נבחן ישא עטרת החיים אשר הבטיח יהוה לאהביו׃

זכרו לעולם בריתו דבר צוה לאלף דור׃