כי יקום עד חמס באיש לענות בו סרה׃

ודרשו השפטים היטב והנה עד שקר העד שקר ענה באחיו׃

והנשארים ישמעו ויראו ולא יספו לעשות עוד כדבר הרע הזה בקרבך׃

לא תענה ברעך עד שקר׃

לא תשא שמע שוא אל תשת ידך עם רשע להית עד חמס׃

ויבאו שני האנשים בני בליעל וישבו נגדו ויעדהו אנשי הבליעל את נבות נגד העם לאמר ברך נבות אלהים ומלך ויצאהו מחוץ לעיר ויסקלהו באבנים וימת׃

יפיח כזבים עד שקר ומשלח מדנים בין אחים׃

עד שקרים לא ינקה ויפיח כזבים לא ימלט׃

עד שקרים לא ינקה ויפיח כזבים יאבד׃

וקרבתי אליכם למשפט והייתי עד ממהר במכשפים ובמנאפים ובנשבעים לשקר ובעשקי שכר שכיר אלמנה ויתום ומטי גר ולא יראוני אמר יהוה צבאות׃