Génèse 49:16
דן ידין עמו כאחד שבטי ישראל׃
Génèse 49:17
יהי דן נחש עלי דרך שפיפן עלי ארח הנשך עקבי סוס ויפל רכבו אחור׃
Josué 19:47
ויצא גבול בני דן מהם ויעלו בני דן וילחמו עם לשם וילכדו אותה ויכו אותה לפי חרב וירשו אותה וישבו בה ויקראו ללשם דן כשם דן אביהם׃
Juges 13:2
ויהי איש אחד מצרעה ממשפחת הדני ושמו מנוח ואשתו עקרה ולא ילדה׃
Juges 13:24
ותלד האשה בן ותקרא את שמו שמשון ויגדל הנער ויברכהו יהוה׃
Juges 13:25
ותחל רוח יהוה לפעמו במחנה דן בין צרעה ובין אשתאל׃
Juges 14:6
ותצלח עליו רוח יהוה וישסעהו כשסע הגדי ומאומה אין בידו ולא הגיד לאביו ולאמו את אשר עשה׃
Juges 14:19
ותצלח עליו רוח יהוה וירד אשקלון ויך מהם שלשים איש ויקח את חליצותם ויתן החליפות למגידי החידה ויחר אפו ויעל בית אביהו׃
Juges 15:8
ויך אותם שוק על ירך מכה גדולה וירד וישב בסעיף סלע עיטם׃
Juges 15:15
וימצא לחי חמור טריה וישלח ידו ויקחה ויך בה אלף איש׃
Juges 16:30
ויאמר שמשון תמות נפשי עם פלשתים ויט בכח ויפל הבית על הסרנים ועל כל העם אשר בו ויהיו המתים אשר המית במותו רבים מאשר המית בחייו׃
Juges 18:27
והמה לקחו את אשר עשה מיכה ואת הכהן אשר היה לו ויבאו על ליש על עם שקט ובטח ויכו אותם לפי חרב ואת העיר שרפו באש׃
1 Chroniques 12:35
ומן הדני ערכי מלחמה עשרים ושמונה אלף ושש מאות׃