צור ילדך תשי ותשכח אל מחללך׃

איכה ירדף אחד אלף ושנים יניסו רבבה אם לא כי צורם מכרם ויהוה הסגירם׃

כי לא כצורנו צורם ואיבינו פלילים׃

אין קדוש כיהוה כי אין בלתך ואין צור כאלהינו׃

ויאמר יהוה סלעי ומצדתי ומפלטי לי׃

אלהי צורי אחסה בו מגני וקרן ישעי משגבי ומנוסי משעי מחמס תשעני׃

כי מי אל מבלעדי יהוה ומי צור מבלעדי אלהינו׃

חי יהוה וברוך צורי וירם אלהי צור ישעי׃

אמר אלהי ישראל לי דבר צור ישראל מושל באדם צדיק מושל יראת אלהים׃

יהוה סלעי ומצודתי ומפלטי אלי צורי אחסה בו מגני וקרן ישעי משגבי׃

כי מי אלוה מבלעדי יהוה ומי צור זולתי אלהינו׃

חי יהוה וברוך צורי וירום אלוהי ישעי׃

מקצה הארץ אליך אקרא בעטף לבי בצור ירום ממני תנחני׃

אגורה באהלך עולמים אחסה בסתר כנפיך סלה׃

להגיד כי ישר יהוה צורי ולא עלתה בו׃

בטחו ביהוה עדי עד כי ביה יהוה צור עולמים׃

לכן כה אמר אדני יהוה הנני יסד בציון אבן אבן בחן פנת יקרת מוסד מוסד המאמין לא יחיש׃

והיה איש כמחבא רוח וסתר זרם כפלגי מים בציון כצל סלע כבד בארץ עיפה׃

ויען שמעון פטרוס ויאמר אתה הוא המשיח בן אלהים חיים׃

ואף אני אמר אליך כי אתה פטרוס ועל הסלע הזה אבנה את קהלתי ושערי שאול לא יגברו עליה׃

וכלם שתו משקה אחד רוחני כי שתו מן הצור הרוחני ההלך עמהם והצור ההוא היה המשיח׃

וזה הוא שאמר הכתוב הנני יסד בציון אבן פנה אבן בחן ויקרה והמאמין בה לא יבוש׃

וירא אלהים את כל אשר עשה והנה טוב מאד ויהי ערב ויהי בקר יום הששי׃

האל תמים דרכו אמרת יהוה צרופה מגן הוא לכל החסים בו׃

האל תמים דרכו אמרת יהוה צרופה מגן הוא לכל החסים בו׃

תורת יהוה תמימה משיבת נפש עדות יהוה נאמנה מחכימת פתי׃

יהוה יגמר בעדי יהוה חסדך לעולם מעשי ידיך אל תרף׃

ידעתי כי כל אשר יעשה האלהים הוא יהיה לעולם עליו אין להוסיף וממנו אין לגרע והאלהים עשה שיראו מלפניו׃

לכן היו שלמים כאשר אביכם שבשמים שלם הוא׃

כל מתנה טובה וכל מנחה שלמה תרד ממעל מאת אבי האורות אשר חלוף וכל צל שנוי אין עמו׃

עשה משפט יתום ואלמנה ואהב גר לתת לו לחם ושמלה׃

חללה לך מעשת כדבר הזה להמית צדיק עם רשע והיה כצדיק כרשע חללה לך השפט כל הארץ לא יעשה משפט׃

אף כי תאמר לא תשורנו דין לפניו ותחולל לו׃

נודע יהוה משפט עשה בפעל כפיו נוקש רשע הגיון סלה׃

ענן וערפל סביביו צדק ומשפט מכון כסאו׃

ועז מלך משפט אהב אתה כוננת מישרים משפט וצדקה ביעקב אתה עשית׃

ולכן יחכה יהוה לחננכם ולכן ירום לרחמכם כי אלהי משפט יהוה אשרי כל חוכי לו׃

כי אם בזאת יתהלל המתהלל השכל וידע אותי כי אני יהוה עשה חסד משפט וצדקה בארץ כי באלה חפצתי נאם יהוה׃

כען אנה נבוכדנצר משבח ומרומם ומהדר למלך שמיא די כל מעבדוהי קשט וארחתה דין ודי מהלכין בגוה יכל להשפלה׃

כי האב לא ידין איש כי אם כל המשפט נתן לבן למען יכבדו כלם את הבן כאשר יכבדו את האב׃

יודעים המה את משפט אלהים כי עשי אלה בני מות הם ולא לבד שיעשו את אלה כי גם רצתה נפשם בעשיהם׃

וידענו כי משפט אלהים כפי האמת על עשי אלה׃

ובקשי לבבך הממאן לשוב תצבר לך עברה אל יום עברת האלהים ועת הגלות צדקת משפטו׃

אחד הוא המחקק אשר יכול להושיע ולאבד ומי אתה כי תדין את עמיתך׃

וישירו את שירת משה עבד אלהים ושירת השה לאמר גדולים מעשיך ונפלאים יהוה אלהים צבאות צדק ואמת דרכיך מלך הגוים׃

מי לא ייראך יהוה ולא יכבד את שמך כי קדוש אתה לבדך כי כל הגוים יבאו וישתחוו לפניך כי נגלו משפטי צדקך׃

ויעבר יהוה על פניו ויקרא יהוה יהוה אל רחום וחנון ארך אפים ורב חסד ואמת׃

בידך אפקיד רוחי פדיתה אותי יהוה אל אמת׃

זכר חסדו ואמונתו לבית ישראל ראו כל אפסי ארץ את ישועת אלהינו׃

כי טוב יהוה לעולם חסדו ועד דר ודר אמונתו׃

עשה שמים וארץ את הים ואת כל אשר בם השמר אמת לעולם׃

יהוה אלהי אתה ארוממך אודה שמך כי עשית פלא עצות מרחוק אמונה אמן׃

ויהוה אלהים אמת הוא אלהים חיים ומלך עולם מקצפו תרעש הארץ ולא יכלו גוים זעמו׃

והדבר נהיה בשר וישכן בתוכנו ונחזה תפארתו כתפארת בן יחיד לאביו רב חסד ואמת׃

כי התורה נתנה ביד משה והחסד והאמת באו על ידי ישוע המשיח׃

ויאמר אליו ישוע אנכי הנני הדרך והאמת והחיים לא יבא איש אל האב כי אם על ידי׃

לכן אנשי לבב שמעו לי חללה לאל מרשע ושדי מעול׃

להגיד כי ישר יהוה צורי ולא עלתה בו׃

טהור עינים מראות רע והביט אל עמל לא תוכל למה תביט בוגדים תחריש בבלע רשע צדיק ממנו׃

ואם עולתנו תרומם את צדקת האלהים מה נאמר הכי יש עול באלהים המשלח חרון אפו לפי דרך בני אדם אנכי מדבר׃