ונתתי משכני בתוככם ולא תגעל נפשי אתכם׃

ויחר אף יהוה בישראל ויתנם ביד שסים וישסו אותם וימכרם ביד אויביהם מסביב ולא יכלו עוד לעמד לפני אויביהם׃

כי לא אל חפץ רשע אתה לא יגרך רע׃

כי הלל רשע על תאות נפשו ובצע ברך נאץ יהוה׃

שמע אלהים ויתעבר וימאס מאד בישראל׃

ויחר אף יהוה בעמו ויתעב את נחלתו׃

רק אתכם ידעתי מכל משפחות האדמה על כן אפקד עליכם את כל עונתיכם׃

הילכו שנים יחדו בלתי אם נועדו׃

ואכחד את שלשת הרעים בירח אחד ותקצר נפשי בהם וגם נפשם בחלה בי׃

כי עתה פושר אתה ולא קר ולא חם על כן אקיאך מפי׃

ויחמס כגן שכו שחת מועדו שכח יהוה בציון מועד ושבת וינאץ בזעם אפו מלך וכהן׃

אני אמרתי אלהים אתם ובני עליון כלכם׃

אכן כאדם תמותון וכאחד השרים תפלו׃

שמעו שמים והאזיני ארץ כי יהוה דבר בנים גדלתי ורוממתי והם פשעו בי׃

מה לידידי בביתי עשותה המזמתה הרבים ובשר קדש יעברו מעליך כי רעתכי אז תעלזי׃