וירא יהוה כי רבה רעת האדם בארץ וכל יצר מחשבת לבו רק רע כל היום׃

וירח יהוה את ריח הניחח ויאמר יהוה אל לבו לא אסף לקלל עוד את האדמה בעבור האדם כי יצר לב האדם רע מנעריו ולא אסף עוד להכות את כל חי כאשר עשיתי׃

אתה ידעת שבתי וקומי בנתה לרעי מרחוק׃

מגיד מראשית אחרית ומקדם אשר לא נעשו אמר עצתי תקום וכל חפצי אעשה׃

כה אמר אדני יהוה והיה ביום ההוא יעלו דברים על לבבך וחשבת מחשבת רעה׃

ואמרת אעלה על ארץ פרזות אבוא השקטים ישבי לבטח כלם ישבים באין חומה ובריח ודלתים אין להם׃

אני ידעתי אפרים וישראל לא נכחד ממני כי עתה הזנית אפרים נטמא ישראל׃

אני ידעתיך במדבר בארץ תלאבות׃

כמרעיתם וישבעו שבעו וירם לבם על כן שכחוני׃

הזבחים ומנחה הגשתם לי במדבר ארבעים שנה בית ישראל׃

ונשאתם את סכות מלככם ואת כיון צלמיכם כוכב אלהיכם אשר עשיתם לכם׃

והוא ישוע לא הפקיד את עצמו בידם על אשר ידע את כלם׃

ולא הצטרך לעדות איש על האדם כי הוא ידע מה בקרב האדם׃

אתו הנמסר על פי עצת האלהים הנחרצה וידיעתו מקום לקחתם ובידי רשעים הוקעתם והרגתם אתו׃

לעשות את אשר ידך ועצתך מקדם גזרה להיות׃