יום אשר עמדת לפני יהוה אלהיך בחרב באמר יהוה אלי הקהל לי את העם ואשמעם את דברי אשר ילמדון ליראה אתי כל הימים אשר הם חיים על האדמה ואת בניהם ילמדון׃

והיו הדברים האלה אשר אנכי מצוך היום על לבבך׃

ושננתם לבניך ודברת בם בשבתך בביתך ובלכתך בדרך ובשכבך ובקומך׃

וכהתפלל עזרא וכהתודתו בכה ומתנפל לפני בית האלהים נקבצו אליו מישראל קהל רב מאד אנשים ונשים וילדים כי בכו העם הרבה בכה׃

תורת יהוה תמימה משיבת נפש עדות יהוה נאמנה מחכימת פתי׃

יראת יהוה טהורה עומדת לעד משפטי יהוה אמת צדקו יחדו׃

גם עבדך נזהר בהם בשמרם עקב רב׃

דרשו בכתובים אשר תחשבו שיש לכם חיי עולמים בהם והמה המעידים עלי׃

ומנעוריך ידעת את כתבי הקדש היכלים להחכימך אל הישועה על ידי האמונה במשיח ישוע׃

למען אשר יהיה איש האלהים תמים ומהיר לכל מעשה טוב׃

הנסתרת ליהוה אלהינו והנגלת לנו ולבנינו עד עולם לעשות את כל דברי התורה הזאת׃

לכו בנים שמעו לי יראת יהוה אלמדכם׃

נצר לשונך מרע ושפתיך מדבר מרמה׃