רק לא ירבה לו סוסים ולא ישיב את העם מצרימה למען הרבות סוס ויהוה אמר לכם לא תספון לשוב בדרך הזה עוד׃

ויבאו ארץ מצרים כי לא שמעו בקול יהוה ויבאו עד תחפנחס׃

ולקחתי את שארית יהודה אשר שמו פניהם לבוא ארץ מצרים לגור שם ותמו כל בארץ מצרים יפלו בחרב ברעב יתמו מקטן ועד גדול בחרב וברעב ימתו והיו לאלה לשמה ולקללה ולחרפה׃

זבחי הבהבי יזבחו בשר ויאכלו יהוה לא רצם עתה יזכר עונם ויפקד חטאותם המה מצרים ישובו׃

לא ישבו בארץ יהוה ושב אפרים מצרים ובאשור טמא יאכלו׃

אנכי יהוה אלהיך אשר הוצאתיך מארץ מצרים מבית עבדים׃

ואמרה להם אנחנו קנינו את אחינו היהודים הנמכרים לגוים כדי בנו וגם אתם תמכרו את אחיכם ונמכרו לנו ויחרישו ולא מצאו דבר׃

כי נמכרנו אני ועמי להשמיד להרוג ולאבד ואלו לעבדים ולשפחות נמכרנו החרשתי כי אין הצר שוה בנזק המלך׃

ואל עמי ידו גורל ויתנו הילד בזונה והילדה מכרו ביין וישתו׃

אשר כספי וזהבי לקחתם ומחמדי הטבים הבאתם להיכליכם׃

הנני מעירם מן המקום אשר מכרתם אתם שמה והשבתי גמלכם בראשכם׃

ונפלו לפי חרב והגלו אל כל הגוים וירושלים תרמס ברגלי גוים עד כי ימלאו עתות הגוים׃