ויראו בני האלהים את בנות האדם כי טבת הנה ויקחו להם נשים מכל אשר בחרו׃

ויהי כבוא אברם מצרימה ויראו המצרים את האשה כי יפה הוא מאד׃

ויראו אתה שרי פרעה ויהללו אתה אל פרעה ותקח האשה בית פרעה׃

ויאהב יעקב את רחל ויאמר אעבדך שבע שנים ברחל בתך הקטנה׃

ויעבד יעקב ברחל שבע שנים ויהיו בעיניו כימים אחדים באהבתו אתה׃

ותדבק נפשו בדינה בת יעקב ויאהב את הנער וידבר על לב הנער׃

וידבר חמור אתם לאמר שכם בני חשקה נפשו בבתכם תנו נא אתה לו לאשה׃

ויעל ויגד לאביו ולאמו ויאמר אשה ראיתי בתמנתה מבנות פלשתים ועתה קחו אותה לי לאשה׃

ויאמר לו אביו ואמו האין בבנות אחיך ובכל עמי אשה כי אתה הולך לקחת אשה מפלשתים הערלים ויאמר שמשון אל אביו אותה קח לי כי היא ישרה בעיני׃

אל תחמד יפיה בלבבך ואל תקחך בעפעפיה׃

אשת חיל מי ימצא ורחק מפנינים מכרה׃

שקר החן והבל היפי אשה יראת יהוה היא תתהלל׃

וכל הטף בנשים אשר לא ידעו משכב זכר החיו לכם׃