Nombres 31:9
וישבו בני ישראל את נשי מדין ואת טפם ואת כל בהמתם ואת כל מקנהם ואת כל חילם בזזו׃
Nombres 31:12
ויבאו אל משה ואל אלעזר הכהן ואל עדת בני ישראל את השבי ואת המלקוח ואת השלל אל המחנה אל ערבת מואב אשר על ירדן ירחו׃
Nombres 31:18
וכל הטף בנשים אשר לא ידעו משכב זכר החיו לכם׃
Nombres 31:35-54
35
ונפש אדם מן הנשים אשר לא ידעו משכב זכר כל נפש שנים ושלשים אלף׃
36
ותהי המחצה חלק היצאים בצבא מספר הצאן שלש מאות אלף ושלשים אלף ושבעת אלפים וחמש מאות׃
37
ויהי המכס ליהוה מן הצאן שש מאות חמש ושבעים׃
38
והבקר ששה ושלשים אלף ומכסם ליהוה שנים ושבעים׃
39
וחמרים שלשים אלף וחמש מאות ומכסם ליהוה אחד וששים׃
40
ונפש אדם ששה עשר אלף ומכסם ליהוה שנים ושלשים נפש׃
41
ויתן משה את מכס תרומת יהוה לאלעזר הכהן כאשר צוה יהוה את משה׃
42
וממחצית בני ישראל אשר חצה משה מן האנשים הצבאים׃
43
ותהי מחצת העדה מן הצאן שלש מאות אלף ושלשים אלף שבעת אלפים וחמש מאות׃
44
ובקר ששה ושלשים אלף׃
45
וחמרים שלשים אלף וחמש מאות׃
46
ונפש אדם ששה עשר אלף׃
47
ויקח משה ממחצת בני ישראל את האחז אחד מן החמשים מן האדם ומן הבהמה ויתן אתם ללוים שמרי משמרת משכן יהוה כאשר צוה יהוה את משה׃
48
ויקרבו אל משה הפקדים אשר לאלפי הצבא שרי האלפים ושרי המאות׃
49
ויאמרו אל משה עבדיך נשאו את ראש אנשי המלחמה אשר בידנו ולא נפקד ממנו איש׃
50
ונקרב את קרבן יהוה איש אשר מצא כלי זהב אצעדה וצמיד טבעת עגיל וכומז לכפר על נפשתינו לפני יהוה׃
51
ויקח משה ואלעזר הכהן את הזהב מאתם כל כלי מעשה׃
52
ויהי כל זהב התרומה אשר הרימו ליהוה ששה עשר אלף שבע מאות וחמשים שקל מאת שרי האלפים ומאת שרי המאות׃
53
אנשי הצבא בזזו איש לו׃
54
ויקח משה ואלעזר הכהן את הזהב מאת שרי האלפים והמאות ויבאו אתו אל אהל מועד זכרון לבני ישראל לפני יהוה׃
Josué 8:2
ועשית לעי ולמלכה כאשר עשית ליריחו ולמלכה רק שללה ובהמתה תבזו לכם שים לך ארב לעיר מאחריה׃
Josué 11:14
וכל שלל הערים האלה והבהמה בזזו להם בני ישראל רק את כל האדם הכו לפי חרב עד השמדם אותם לא השאירו כל נשמה׃
2 Chroniques 14:13-15
13
וירדפם אסא והעם אשר עמו עד לגרר ויפל מכושים לאין להם מחיה כי נשברו לפני יהוה ולפני מחנהו וישאו שלל הרבה מאד׃
14
ויכו את כל הערים סביבות גרר כי היה פחד יהוה עליהם ויבזו את כל הערים כי בזה רבה היתה בהם׃
15
וגם אהלי מקנה הכו וישבו צאן לרב וגמלים וישבו ירושלם׃
2 Chroniques 20:25
ויבא יהושפט ועמו לבז את שללם וימצאו בהם לרב ורכוש ופגרים וכלי חמדות וינצלו להם לאין משא ויהיו ימים שלושה בזזים את השלל כי רב הוא׃
Psaumes 68:12
מלכי צבאות ידדון ידדון ונות בית תחלק שלל׃
Romains 8:37
אבל בכל אלה גברנו מאד על ידי האהב אתנו׃
Josué 22:8
ויאמר אליהם לאמר בנכסים רבים שובו אל אהליכם ובמקנה רב מאד בכסף ובזהב ובנחשת ובברזל ובשלמות הרבה מאד חלקו שלל איביכם עם אחיכם׃