ויהי כחצות הלילה ויתפללו פולוס וסילא ויזמרו לאלהים והאסורים מקשיבים אליהם׃

ועתה מה לעשות אחי בהקהלכם יחד כל אחד ואחד מכם יש לו מזמור יש לו הוראה יש לו לשון יש לו חזון יש לו באור אך יעשה הכל להבנות׃

דבר האדון ישכן בקרבכם בשפע רב בכל חכמה ותלמדו ותעוררו את נפשכם בתהלות ותשבחות ושירות רוחניות ושירו ליהוה בנעימה בלבבכם׃

כי יצר לאיש בכם הוא יתפלל ואשר ייטב לבו הוא יזמר׃

נקדמה פניו בתודה בזמרות נריע לו׃

שירו לו זמרו לו שיחו בכל נפלאותיו׃

ויהי אחרי גמרם את ההלל ויצאו אל הר הזיתים׃

כי מלך כל הארץ אלהים זמרו משכיל׃

מלך אלהים על גוים אלהים ישב על כסא קדשו׃

בטחו בו בכל עת עם שפכו לפניו לבבכם אלהים מחסה לנו סלה׃

אודך אדני אלהי בכל לבבי ואכבדה שמך לעולם׃

התהללו בשם קדשו ישמח לב מבקשי יהוה׃

ענו ליהוה בתודה זמרו לאלהינו בכנור׃

הנה עבדי ירנו מטוב לב ואתם תצעקו מכאב לב ומשבר רוח תילילו׃

העם הזה נגש בפיו ובשפתיו כבדוני ולבו רחק ממני׃

אולם תבוא שעה ועתה היא אשר עבדי אל האמתים ישתחוו לאב ברוח ובאמת כי במשתחוים כאלה חפץ האב׃

האלהים רוח הוא והמשתחוים לו צריכים להשתחות ברוח ובאמת׃