אמנם אין צרך לכתב אליכם על דבר השרות אשר לעזרת הקדשים׃

ויבקשו ממנו ברב תחנונים להיות חברינו בגמילות חסדם לעזרת הקדשים׃

למען גם יתרם יהיה למלא מחסרכם כדי להשות׃

ככתוב לא העדיף המרבה והממעיט לא החסיר׃

ואחשב מן הצרך לשלח אליכם את אפפרודיטוס אחי ועזרי וחברי בצבא והוא שליחכם ומשרתי בצרכי׃

ואני קבלתי את הכל ויש לי די והותר ואני נמלאתי ריח ניחח בקבלי מידי אפפרודיטוס את כל אשר שלחתם זבח ערב ורצוי לאלהים׃

ואלהי הוא ימלא את כל צרככם כעשר כבודו במשיח ישוע׃

מודה אני לאלהי בכל עת בהזכירי אתך בתפלותי׃

למען אשר תאמץ התחברות אמונתך בדעת כל טוב אשר בכם לשם המשיח׃

אחי מה יועיל לאיש אם יאמר כי יש לו אמונה ומעשים אין בו התוכל האמונה להושיעו׃

ואיש מכם יאמר אליהם לכו לשלום והתחממו ושבעו ולא תתנו להם די מחסור גופם מה תועיל זאת׃

ואיש אשר לו נכסי העולם והוא ראה את אחיו חסר לחם וקפץ את רחמיו ממנו איך תעמד בו אהבת אלהים׃