אבל האלהים המנחם את השפלים נחם אתנו בבוא טיטוס׃

ולא בבאו לבד כי אם גם בנחמה אשר נחם בכם בהגידו לנו את תשוקתכם ואת אבלכם ואת קנאתכם לי ובכן הוספתי לשמוח׃

עשה עמי אות לטובה ויראו שנאי ויבשו כי אתה יהוה עזרתני ונחמתני׃

ואמרת ביום ההוא אודך יהוה כי אנפת בי ישב אפך ותנחמני׃

לא ירעבו ולא יצמאו ולא יכם שרב ושמש כי מרחמם ינהגם ועל מבועי מים ינהלם׃

כי נחם יהוה ציון נחם כל חרבתיה וישם מדברה כעדן וערבתה כגן יהוה ששון ושמחה ימצא בה תודה וקול זמרה׃

אנכי אנכי הוא מנחמכם מי את ותיראי מאנוש ימות ומבן אדם חציר ינתן׃

פצחו רננו יחדו חרבות ירושלם כי נחם יהוה עמו גאל ירושלם׃

כי כה אמר יהוה הנני נטה אליה כנהר שלום וכנחל שוטף כבוד גוים וינקתם על צד תנשאו ועל ברכים תשעשעו׃

כאיש אשר אמו תנחמנו כן אנכי אנחמכם ובירושלם תנחמו׃

ואני אשאלה מאבי והוא יתן לכם פרקליט אחר אשר ישכן אתכם לנצח׃

לא אעזבכם יתומים אבואה אליכם׃

והפרקליט תוח הקדש אשר ישלחנו אבי בשמי הוא ילמדכם את כל ויזכירכם את כל אשר הגדתי לכם׃

והוא אדנינו ישוע המשיח ואלהינו אבינו אשר אהב אתנו ויתן לנו בחסדו נחמת עולם ותקוה טובה׃

הוא ינחם את לבבכם ויכונן אתכם בכל דבר ומעשה טוב׃

כי כרב ענויי המשיח בנו כן תרבה נחמתנו על ידי המשיח׃

והנה אם נלחץ הוא לנחמתכם ולישועתכם אשר יראה כחה בסבלכם הענוים אשר נסבל אתן גם אנחנו ואם ננחם גם הוא לנחמתכם ולישועתכם׃

חטאתי אודיעך ועוני לא כסיתי אמרתי אודה עלי פשעי ליהוה ואתה נשאת עון חטאתי סלה׃

אתה סתר לי מצר תצרני רני פלט תסובבני סלה׃

ביהוה תתהלל נפשי ישמעו ענוים וישמחו׃

דרשתי את יהוה וענני ומכל מגורותי הצילני׃

זה עני קרא ויהוה שמע ומכל צרותיו הושיעו׃

לכו שמעו ואספרה כל יראי אלהים אשר עשה לנפשי׃

נחמו נחמו עמי יאמר אלהיכם׃

וראיתם ושש לבכם ועצמותיכם כדשא תפרחנה ונודעה יד יהוה את עבדיו וזעם את איביו׃

ורב האחים באדנינו הוסיפו אמץ במוסרותי והתחזקו יותר בלבבם לדבר את הדבר בלי פחד׃

לכן נחמו זה את זה בדברים האלה׃

על כן נחמו זה את זה ובנו איש את אחיו כאשר גם עשיתם׃

על כן חזקו ידים רפות וברכים כשלות׃