ואתה דניאל סתם הדברים וחתם הספר עד עת קץ ישטטו רבים ותרבה הדעת׃

ויאמר לך דניאל כי סתמים וחתמים הדברים עד עת קץ׃

ואתה לך לקץ ותנוח ותעמד לגרלך לקץ הימין׃

והייתם שנואים לכל אדם למען שמי והמחכה עד עת קץ הוא יושע׃

והאיב אשר זרעם הוא השטן והקציר הוא קץ העולם והקצרים הם המלאכים׃

והנה כאשר ילקטו הזונין ונשרפו באש כן יהיה בקץ העולם הזה׃

והמחכה עד עת קץ הוא יושע׃

הן קץ הכל קרב לכן היו צנועים וערים להתפלל׃

למרבה המשרה ולשלום אין קץ על כסא דוד ועל ממלכתו להכין אתה ולסעדה במשפט ובצדקה מעתה ועד עולם קנאת יהוה צבאות תעשה זאת׃

ולה יהיב שלטן ויקר ומלכו וכל עממיא אמיא ולשניא לה יפלחון שלטנה שלטן עלם די לא יעדה ומלכותה די לא תתחבל׃

ומלכותה ושלטנא ורבותא די מלכות תחות כל שמיא יהיבת לעם קדישי עליונין מלכותה מלכות עלם וכל שלטניא לה יפלחון וישתמעון׃

הכל נמסר לי מאת אבי ואין מכיר את הבן בלתי האב ואין מכיר את האב בלתי הבן ואשר יחפץ הבן לגלותו לו׃

ויגש ישוע וידבר אליהם לאמר נתן לי כל שלטן בשמים ובארץ׃

הכל נמסר לי מאת אבי ואין יודע מי הוא הבן בלתי האב ומי הוא האב בלתי הבן ואשר יחפץ הבן לגלותו לו׃

האב אהב את בנו ואת כל נתן בידו׃

וידע ישוע כי נתן אביו את הכל בידו וכי מאלהים בא ואל אלהים ישוב׃

אשר יראנה בעתה המברך והשליט לבדו מלך המלכים ואדני האדנים׃