לא תשתחוה להם ולא תעבדם כי אנכי יהוה אלהיך אל קנא פקד עון אבת על בנים על שלשים ועל רבעים לשנאי׃

כי לא תשתחוה לאל אחר כי יהוה קנא שמו אל קנא הוא׃

כי יהוה אלהיך אש אכלה הוא אל קנא׃

כי אל קנא יהוה אלהיך בקרבך פן יחרה אף יהוה אלהיך בך והשמידך מעל פני האדמה׃

יקנאהו בזרים בתועבת יכעיסהו׃

הם קנאוני בלא אל כעסוני בהבליהם ואני אקניאם בלא עם בגוי נבל אכעיסם׃

ויאמר יהושע אל העם לא תוכלו לעבד את יהוה כי אלהים קדשים הוא אל קנוא הוא לא ישא לפשעכם ולחטאותיכם׃

ויכעיסוהו בבמותם ובפסיליהם יקניאוהו׃

גם כספם גם זהבם לא יוכל להצילם ביום עברת יהוה ובאש קנאתו תאכל כל הארץ כי כלה אך נבהלה יעשה את כל ישבי הארץ׃

חכם לבב ואמיץ כח מי הקשה אליו וישלם׃

ואם זרוע כאל לך ובקול כמהו תרעם׃

הפץ עברות אפך וראה כל גאה והשפילהו׃

טמנם בעפר יחד פניהם חבש בטמון׃

היעמד לבך אם תחזקנה ידיך לימים אשר אני עשה אותך אני יהוה דברתי ועשיתי׃

מה נורא לנפל ביד אלהים חיים׃