וכן גם הרוח תמך אתנו בחלשותינו כי לא ידענו מה להתפלל כראוי אכן הרוח הוא מפגיע בעדנו באנחות עמקות מדבר׃

כל תפלה כל תחנה אשר תהיה לכל האדם לכל עמך ישראל אשר ידעון איש נגע לבבו ופרש כפיו אל הבית הזה׃

יגעתי באנחתי אשחה בכל לילה מטתי בדמעתי ערשי אמסה׃

כי החרשתי בלו עצמי בשאגתי כל היום׃

כי יומם ולילה תכבד עלי ידך נהפך לשדי בחרבני קיץ סלה׃

כי חציך נחתו בי ותנחת עלי ידך׃

נפוגותי ונדכיתי עד מאד שאגתי מנהמת לבי׃

לבי סחרחר עזבני כחי ואור עיני גם הם אין אתי׃

אזכרה אלהים ואהמיה אשיחה ותתעטף רוחי סלה׃

חשבתי ימים מקדם שנות עולמים׃

הלעולמים יזנח אדני ולא יסיף לרצות עוד׃

השכח חנות אל אם קפץ באף רחמיו סלה׃

גרסה נפשי לתאבה אל משפטיך בכל עת׃

כלתה לתשועתך נפשי לדברך יחלתי׃

כי הייתי כנאד בקיטור חקיך לא שכחתי׃

צר ומצוק מצאוני מצותיך שעשעי׃

תעיתי כשה אבד בקש עבדך כי מצותיך לא שכחתי׃

שיר המעלות ממעמקים קראתיך יהוה׃

אם עונות תשמר יה אדני מי יעמד׃

ויאמר יהוה אלו עבר בתוך העיר בתוך ירושלם והתוית תו על מצחות האנשים הנאנחים והנאנקים על כל התועבות הנעשות בתוכה׃

אשרי האבלים כי הם ינחמו׃

אשרי הרעבים והצמאים לצדקה כי הם ישבעו׃

ולמען אשר לא אתרומם ברב גדל החזינות נתן לי סלון בבשרי מלאך השטן להכתני באגרוף למען לא אתרומם׃

ויאמר אלי די לך חסדי כי בחלשה תשלם גבורתי על כן שמח לבי להתהלל בחלשותי למען תשרה עלי גבורת המשיח׃

ומחה אלהים כל דמעה מעיניהם והמות לא יהיה עוד וגם אבל וזעקה וכאב לא יהיה עוד כי הראשנות עברו׃

ולנער לא תעשה דבר אין לנער חטא מות כי כאשר יקום איש על רעהו ורצחו נפש כן הדבר הזה׃

כי בשדה מצאה צעקה הנער המארשה ואין מושיע לה׃

לאמר אלהים עזבו רדפו ותפשוהו כי אין מציל׃

כי יציל אביון משוע ועני ואין עזר לו׃

כי בי חשק ואפלטהו אשגבהו כי ידע שמי׃

יקראני ואענהו עמו אנכי בצרה אחלצהו ואכבדהו׃

לשמע אנקת אסיר לפתח בני תמותה׃

ישוב ירחמנו יכבש עונתינו ותשליך במצלות ים כל חטאותם׃

גם את בדם בריתך שלחתי אסיריך מבור אין מים בו׃

שובו לבצרון אסירי התקוה גם היום מגיד משנה אשיב לך׃

רוח אדני עלי יען משח אתי לבשר ענוים׃

כי לא נכחד מכם אחי את צרתנו אשר מצאתנו באסיא אשר כבדה עלינו עד למאד ויותר מכחנו עד כי נואשנו מן החיים׃

אשר הצילנו ממות כזה ועודנו מציל ולו אנחנו מקוים כי יוסיף להצילנו׃

ויצילני האדון מכל מעשה רע ויושיעני אל מלכותו שבשמים לו הכבוד לעולמי עולמים אמן׃

אשר נתן את נפשו בעדנו לגאלנו מכל עול ולטהר לו עם סגלה הזריז במעשים טובים׃

ולהתיר את אלה אשר מאימת המות היו נתנים לעבדות כל ימי חייהם׃

באשר ידעים אנחנו כי נצלב אתו האדם הישן אשר בנו למען תבטל גוית החטא לבלתי היותנו עוד עבדים לחטא׃

כי אם תחיו לפי הבשר מות תמתון ואם על ידי הרוח תמותתו את מעללי הבשר חיה תחיו׃

במתים חפשי כמו חללים שכבי קבר אשר לא זכרתם עוד והמה מידך נגזרו׃

ובו אתם גם נמולים מילה שלא בידים בהפשטת גוף הבשר החוטא היא מילת המשיח׃