יש לך אמונה תהי לך לבדך לפני האלהים אשרי מי שלא ידין את נפשו בדבר אשר כשר בעיניו׃

וכן אתם מעידים ורוצים במעשי אבותיכם כי המה הרגו אותם ואתם בונים את קבריהם׃

כי יודע יהוה דרך צדיקים ודרך רשעים תאבד׃

טוב יהוה למעוז ביום צרה וידע חסי בו׃

אך איתן הוא יסוד האלהים וזה חותמו ידע יהוה את אשר לו ועוד יסור מעול כל הקורא את שם המשיח׃

ובעשותי את אשר לא רציתי בו הנני מודה בזאת כי התורה טובה היא׃

כי אינני עשה הטוב אשר אני רצה בו כי אם הרע אשר אינני רצה בו אותו אני עשה׃

ואם את אשר לא רציתי בו אני עשה לא עוד אנכי הפעל כי החטא הישב בקרבי׃

כי יחטאו לך כי אין אדם אשר לא יחטא ואנפת בם ונתתם לפני אויב ושבום שביהם אל ארץ האויב רחוקה או קרובה׃

שגיאות מי יבין מנסתרות נקני׃

דברי עונת גברו מני פשעינו אתה תכפרם׃

אשרי תמימי דרך ההלכים בתורת יהוה׃

אף לא פעלו עולה בדרכיו הלכו׃

אחלי יכנו דרכי לשמר חקיך׃

כי אדם אין צדיק בארץ אשר יעשה טוב ולא יחטא׃

כי הבשר מתאוה הפך מן הרוח והרוח הפך מן הבשר ושניהם מתקוממים זה לזה עד שלא תוכלו לעשות את אשר תחפצו׃

לא כאלו השגתי כבר או כאלו השלמתי אבל ארדף אולי אשיג כאשר גם השיגני המשיח ישוע׃

וארדף את מטרת שכר הנצחון אשר הוא בקריאה של מעלה מאת האלהים במשיח ישוע׃

כי כלנו מרבים להכשל ואשר לא יכשל בדבור הוא איש תמים וביכלתו לשום רסן גם לכל גופו׃

אך אם באור נלך כאשר הוא באור הנה נתחברנו יחד ודם ישוע המשיח בנו יטהרנו מכל חטא׃

אם נאמר כי אין בנו חטא הננו מתעים את נפשתינו והאמת אין בנו׃

האהבה תהיה בלי חנפה שנאו את הרע ודבקו בטוב׃

און יחשב על משכבו יתיצב על דרך לא טוב רע לא ימאס׃

אהבי יהוה שנאו רע שמר נפשות חסידיו מיד רשעים יצילם׃

לא אשית לנגד עיני דבר בליעל עשה סטים שנאתי לא ידבק בי׃

מפקודיך אתבונן על כן שנאתי כל ארח שקר׃

סעפים שנאתי ותורתך אהבתי׃

על כן כל פקודי כל ישרתי כל ארח שקר שנאתי׃

שקר שנאתי ואתעבה תורתך אהבתי׃

יראת יהוה שנאת רע גאה וגאון ודרך רע ופי תהפכות שנאתי׃

דבר שקר ישנא צדיק ורשע יבאיש ויחפיר׃

שנאו רע ואהבו טוב והציגו בשער משפט אולי יחנן יהוה אלהי צבאות שארית יוסף׃

אהבת צדק ותשנא רשע על כן משחך אלהים אלהיך שמן ששון מחבריך׃

ואת אלה תושיעו באימה וחלצתם אתם מתוך האש וגעלתם גם את הלבוש המגאל בחלאת הבשר׃