כי ידעים אנחנו שהתורה היא רוחנית ואני של בשר ונמכר תחת יד החטא׃

ועתה המבטלים אנחנו את התורה על ידי האמונה חלילה אך מקימים אנחנו את התורה׃

ואל תשתוו לעולם הזה כי אם התחלפו בהתחדש דעתכם למען תבחנו לדעת מה הוא רצון האלהים הטוב והחמד והשלם׃

ומי גוי גדול אשר לו חקים ומשפטים צדיקם ככל התורה הזאת אשר אנכי נתן לפניכם היום׃

ועתה ישראל מה יהוה אלהיך שאל מעמך כי אם ליראה את יהוה אלהיך ללכת בכל דרכיו ולאהבה אתו ולעבד את יהוה אלהיך בכל לבבך ובכל נפשך׃

ועל הר סיני ירדת ודבר עמהם משמים ותתן להם משפטים ישרים ותורות אמת חקים ומצות טובים׃

תורת יהוה תמימה משיבת נפש עדות יהוה נאמנה מחכימת פתי׃

יראת יהוה טהורה עומדת לעד משפטי יהוה אמת צדקו יחדו׃

גם עבדך נזהר בהם בשמרם עקב רב׃

הקם לעבדך אמרתך אשר ליראתך׃

כל מצותיך אמונה שקר רדפוני עזרני׃

על כן אהבתי מצותיך מזהב ומפז׃

צדיק אתה יהוה וישר משפטיך׃

צרופה אמרתך מאד ועבדך אהבה׃

תען לשוני אמרתך כי כל מצותיך צדק׃

אבל ידענו כי התורה טובה היא אם יתנהג בה האדם כתורה׃