ויוצא אתו החוצה ויאמר הבט נא השמימה וספר הכוכבים אם תוכל לספר אתם ויאמר לו כה יהיה זרעך׃

והאמן ביהוה ויחשבה לו צדקה׃

ודור רביעי ישובו הנה כי לא שלם עון האמרי עד הנה׃

ושרי אשת אברם לא ילדה לו ולה שפחה מצרית ושמה הגר׃

ותקח שרי אשת אברם את הגר המצרית שפחתה מקץ עשר שנים לשבת אברם בארץ כנען ותתן אתה לאברם אישה לו לאשה׃

ויהי אברם בן תשעים שנה ותשע שנים וירא יהוה אל אברם ויאמר אליו אני אל שדי התהלך לפני והיה תמים׃

זאת בריתי אשר תשמרו ביני וביניכם ובין זרעך אחריך המול לכם כל זכר׃

ויקח אברהם את ישמעאל בנו ואת כל ילידי ביתו ואת כל מקנת כספו כל זכר באנשי בית אברהם וימל את בשר ערלתם בעצם היום הזה כאשר דבר אתו אלהים׃

וישמעאל בנו בן שלש עשרה שנה בהמלו את בשר ערלתו׃

וכל אנשי ביתו יליד בית ומקנת כסף מאת בן נכר נמלו אתו׃

אם נמול האיש המקרא אל ימשך את ערלתו ואם ערל הוא אל ימול׃

אין המילה נחשבה ואין הערלה נחשבה כי אם שמירת מצות האלהים׃

כי במשיח איננה נחשבת לא המילה ולא הערלה כי אם האמונה הפעלת באהבה׃

כי במשיח ישוע גם המילה גם הערלה אינן נחשבות כי אם בריאה חדשה׃