ברכו את רדפיכם ברכו ואל תקללו׃

אל תשלמו לאיש רעה תחת רעה דרשו הטוב בעיני כל אדם׃

לא תקם ולא תטר את בני עמך ואהבת לרעך כמוך אני יהוה׃

ועתה אדני חי יהוה וחי נפשך אשר מנעך יהוה מבוא בדמים והושע ידך לך ועתה יהיו כנבל איביך והמבקשים אל אדני רעה׃

וברוך טעמך וברוכה את אשר כלתני היום הזה מבוא בדמים והשע ידי לי׃

בנפל אויביך אל תשמח ובכשלו אל יגל לבך׃

אל תתחר במרעים אל תקנא ברשעים׃

כה אמר אדני יהוה יען עשות אדום בנקם נקם לבית יהודה ויאשמו אשום ונקמו בהם׃

אבל אני אמר לכם אל תתקוממו לרע אך המכה אותך על הלפי הימנית הטה לו גם את האחרת׃

אבל אליכם השמעים אני אמר אהבו את איביכם היטיבו לשנאיכם׃

המכה אתך על הלחי הטה לו גם את האחרת והלקח את מעילך אל תמנע ממנו גם את כתנתך׃

ויפן ויגער בם ויאמר הלא ידעתם בני רוח מי אתם׃

כי בן האדם לא בא לאבד נפשות אדם כי אם להושיעם וילכו להם אל כפר אחר׃

כי משמשת אלהים היא לטוב לך אך אם הרע תעשה ירא כי לא לחנם חגרת חרב היא כי משמשת אלהים היא נקמת בקצף מכל עשה הרע׃

לי נקם ושלם לעת תמוט רגלם כי קרוב יום אידם וחש עתדת למו׃

הרנינו גוים עמו כי דם עבדיו יקום ונקם ישיב לצריו וכפר אדמתו עמו׃

אל נקמות יהוה אל נקמות הופיע׃

עד מתי רשעים יהוה עד מתי רשעים יעלזו׃

אל קנוא ונקם יהוה נקם יהוה ובעל חמה נקם יהוה לצריו ונוטר הוא לאיביו׃

יהוה ארך אפים וגדול כח ונקה לא ינקה יהוה בסופה ובשערה דרכו וענן אבק רגליו׃

כי ידענו את האמר לי נקם ושלם ועוד כי ידין יהוה עמו׃