ורבים מהשמעים את הדבר האמינו ויהי מספר האנשים כחמשת אלפים׃

ויעשו אתות ומופתים רבים בקרב העם על ידי השליחים וכלם נאספו לב אחד באולם של שלמה׃

אבל נספחו עוד יתר מאמינים אל האדון אנשים ונשים הרבה מאד׃

ויהי דבר האלהים הולך וגדל וירב מספר התלמידים בירושלים עד מאד וגם המון רב מן הכהנים נכנעו אל האמונה׃

וכן היתה כשנתים ימים עד כי שמעו כל ישבי אסיא גם יהודים גם יונים את דבר ישוע האדון׃

ודבר יהוה גבר מאד וילך הלך וחזק׃

עמך נדבת ביום חילך בהדרי קדש מרחם משחר לך טל ילדתיך׃

מי שמע כזאת מי ראה כאלה היוחל ארץ ביום אחד אם יולד גוי פעם אחת כי חלה גם ילדה ציון את בניה׃

וישבו בגלעד בבשן ובבנתיה ובכל מגרשי שרון על תוצאותם׃

ויודע הדבר בכל יפו ויאמינו רבים באדון׃

ותהי עמהם יד יהוה ומספר רב האמינו וישובו אל האדון׃

ועל כן אני דן שלא להחמיר על השבים מן הגוים לאלהים׃

לפקח את עיניהם למען ישובו מחשך לאור ומיד השטן אל האלהים וימצאו באמונתם בי את סליחת החטאים ואת הנחלה בתוך המקדשים׃

כי אם קראתי ראשונה לישבי דמשק וירושלים ובכל ארץ יהודה וגם לגוים כי ינחמו וישובו אל האלהים ויעשו מעשים ראוים לתשובה׃

בצר לך ומצאוך כל הדברים האלה באחרית הימים ושבת עד יהוה אלהיך ושמעת בקלו׃

יזכרו וישבו אל יהוה כל אפסי ארץ וישתחוו לפניך כל משפחות גוים׃

שובו לאשר העמיקו סרה בני ישראל׃

נחפשה דרכינו ונחקרה ונשובה עד יהוה׃

ואתה באלהיך תשוב חסד ומשפט שמר וקוה אל אלהיך תמיד׃

קחו עמכם דברים ושובו אל יהוה אמרו אליו כל תשא עון וקח טוב ונשלמה פרים שפתינו׃

וקרעו לבבכם ואל בגדיכם ושובו אל יהוה אלהיכם כי חנון ורחום הוא ארך אפים ורב חסד ונחם על הרעה׃

ורבים מבני ישראל ישיב אל יהוה אלהיהם׃

והוא ילך לפניו ברוח אליהו ובגבורתו להשיב את לב אבות על בנים ואת הסוררים לתבונת הצדיקים להעמיד ליהוה עם מתקן׃

וכשיפנו אל האדון יוסר המסוה׃

כי פיהם המספר מה היה מבואנו אליכם ואיך פניתם מעבודת אלילים ושבתם לאלהים לעבד את אל חי ואמתי׃

ולחכות לבנו מן השמים אשר העירו מן המתים לישוע מצילנו מן החרון הבא׃