ויאמר בקול גדול עמד הכן על רגליך וידלג ויתהלך׃

אז ידלג כאיל פסח ותרן לשון אלם כי נבקעו במדבר מים ונחלים בערבה׃

שמחו ביום ההוא ורקדו כי הנה שכרכם רב בשמים כי כזאת עשו אבתיהם לנביאים׃

ויאמר אליו ישוע קום שא את משכבך והתהלך׃

וכרגע שב האיש לאיתנו וישא את משכבו ויתהלך והיום ההוא יום שבת היה׃

ויהי אחרי כן וימצאהו ישוע בבית המקדש ויאמר אליו הנה נרפא לך אל תוסיף לחטא פן תאנה אליך רעה גדולה מזאת׃

לדוד ברכי נפשי את יהוה וכל קרבי את שם קדשו׃

ברכי נפשי את יהוה ואל תשכחי כל גמוליו׃

ישלח דברו וירפאם וימלט משחיתותם׃

ויזבחו זבחי תודה ויספרו מעשיו ברנה׃

ואחד מהם בראתו כי נרפא וישב וישבח את האלהים בקול גדול׃

ויען ישוע ויאמר הלא העשרה טהרו והתשעה איה הם׃

ופתאם ראה וילך אחריו הלך ושבח את האלהים וכל העם בראותם זאת נתנו תודה לאלהים׃