ויהיו שם ימים אחדים וישלחום האחים בשלום אל השליחים׃

וילך משה וישב אל יתר חתנו ויאמר לו אלכה נא ואשובה אל אחי אשר במצרים ואראה העודם חיים ויאמר יתרו למשה לך לשלום׃

ויאמר להם הכהן לכו לשלום נכח יהוה דרככם אשר תלכו בה׃

ויען עלי ויאמר לכי לשלום ואלהי ישראל יתן את שלתך אשר שאלת מעמו׃

ויאמר יהונתן לדוד לך לשלום אשר נשבענו שנינו אנחנו בשם יהוה לאמר יהוה יהיה ביני ובינך ובין זרעי ובין זרעך עד עולם ויקם וילך ויהונתן בא העיר׃

ויקח דוד מידה את אשר הביאה לו ולה אמר עלי לשלום לביתך ראי שמעתי בקולך ואשא פניך׃

ועתה שוב ולך בשלום ולא תעשה רע בעיני סרני פלשתים׃

ויאמר לו לך לשלום וילך מאתו כברת ארץ׃

ויאמר אליה בתי אמונתך הושיעה לך לכי לשלום וחיית מנגעך׃

שלום אניח לכם את שלומי אתן לכם לא כאשר יתן העולם אנכי נתן לכם אל יבהל לבבכם ואל יחת׃