והשר כאשר ראה את המעשה האמין וישתומם על תורת האדון׃

ויהי בהיות גליון שר מדינת אכיא ויקומו היהודים כלם וחדו על פולוס ויביאהו אל כסא המשפט׃

לכן אם לדמטריוס ולחרשים אשר אתו דבר ריב עם איש הנה לנו ימי בית דין ושרי המדינה ויביאו אליהם את ריבם׃

ואלה היו נדיבים מאנשי תסלוניקי ויקבלו את הדבר בכל לב וידרשו בכתובים יום יום לדעת אם כן הוא הדבר׃

ויאמינו הרבה מהם וגם מן הנשים החשובות היוניות ומן האנשים לא מעט׃

חכמת ערום הבין דרכו ואולת כסילים מרמה׃

פתי יאמין לכל דבר וערום יבין לאשרו׃

נחלו פתאים אולת וערומים יכתרו דעת׃

לב נבון יקנה דעת ואזן חכמים תבקש דעת׃

מי חכם ויבן אלה נבון וידעם כי ישרים דרכי יהוה וצדקים ילכו בם ופשעים יכשלו בם׃

בחנו כל דבר ובטוב אחזו׃