ויען ישוע ויאמר אליו רבן של ישראל אתה וזאת לא ידעת׃

רבים האתות אשר עשה לעיניהם ובכל זאת לא האמינו בו׃

לכן הנני יוסף להפליא את העם הזה הפלא ופלא ואבדה חכמת חכמיו ובינת נבניו תסתתר׃

ויתמה על חסרון אמונתם ויסב בכפרים סבוב ולמד׃

גל עיני ואביטה נפלאות מתורתך׃

ושמעו ביום ההוא החרשים דברי ספר ומאפל ומחשך עיני עורים תראינה׃

אז תפקחנה עיני עורים ואזני חרשים תפתחנה׃

עורים ראים ופסחים מתהלכים מצרעים מטהרים וחרשים שומעין ומתים קמים ועניים מתבשרי ישועה הם׃

ויען ישוע ויאמר להם לכו והגידו ליוחנן את אשר ראיתם ואשר שמעתם כי עורים ראים ופסחים מתהלכים ומצרעים מטהרים וחרשים שומעים ומתים קמים ועניים מתבשרים׃

כי האלהים אשר אמר ויפע אור מחשך הוא הופיע בלבנו להפיץ אור דעת כבוד האלהים אשר בפני המשיח׃