איך תוכלו להאמין אתם הלקחים כבוד איש מרעהו ואת הכבוד אשר מאת האלהים היחיד לא תבקשו׃

הוא בא אל אשר לו ואשר המה לו לא קבלהו׃

וזה הוא הדין כי האור בא אל העולם ובני האדם אהבו החשך מן האור כי רעים מעשיהם׃

ואני יען דברי האמת לא תאמינו לי׃

מי בכם על עון יוכיחני ואם אמת דברתי מדוע לא תאמינו לי׃

רבים האתות אשר עשה לעיניהם ובכל זאת לא האמינו בו׃

על כן לא יכלו להאמין כי עוד אמר ישעיהו׃

כזאת דבר ישעיהו בראותו את תפארתו וינבא עליו׃

ולא שמע עמי לקולי וישראל לא אבה לי׃

כה אמר יהוה גאל ישראל קדושו לבזה נפש למתעב גוי לעבד משלים מלכים יראו וקמו שרים וישתחוו למען יהוה אשר נאמן קדש ישראל ויבחרך׃

מדוע באתי ואין איש קראתי ואין עונה הקצור קצרה ידי מפדות ואם אין בי כח להציל הן בגערתי אחריב ים אשים נהרות מדבר תבאש דגתם מאין מים ותמת בצמא׃

מי האמין לשמעתנו וזרוע יהוה על מי נגלתה׃

נבזה וחדל אישים איש מכאבות וידוע חלי וכמסתר פנים ממנו נבזה ולא חשבנהו׃

וישלח את עבדיו לקרא הקרואים אל החתנה ולא אבו לבוא׃

ירושלים ירושלים ההרגת את הנביאים והסקלת את השלוחים אליה כמה פעמים רציתי לקבץ את בניך כתרנגלת המקבצת את אפרחיה תחת כנפיה ולא אביתם׃

והרוח והכלה אמרים בא והשמע יאמר בא והצמא יבוא והחפץ יקח מים חיים חנם׃

אל תעמלו במאכל אשר יאבד כי אם במאכל הקים לחיי עולמים אשר בן האדם יתננו לכם כי בו חתם חותמו אביו האלהים׃

כל אשר יתננו לי אבי יבוא אלי והבא אלי לא אהדפנו החוצה׃

וזה רצון שלחי אשר כל הראה את הבן ומאמין בו יהיו לו חיי עולמים ואני אקימנו ביום האחרון׃

ויען אתו שמעון פטרוס אדני אל מי נלך דברי חיי עולמים עמך׃

ואנחנו האמנו ונדע כי אתה המשיח בן אל חי׃

ויהי ביום החג האחרון הגדול עמד ישוע ויקרא לאמר איש כי יצמא יבא נא אלי וישתה׃

המאמין בי כדבר הכתוב מבטנו ינהרו נהרי מים חיים׃

ויאמר אליה ישוע אנכי התקומה והחיים המאמין בי יחיה גם כי ימות׃

וכל החי אשר יאמין בי לא ימות לעולם התאמיני זאת׃

כי שכר החטא הוא המות ומתנת חסד אלהים היא חיי העולם במשיח ישוע אדנינו׃

וזאת היא העדות כי חיי עולמים נתן לנו האלהים והחיים האלה בבנו המה׃

זאת כתבתי אליכם המאמינים בשם בן האלהים למען תדעון שיש לכם חיי עולם ולמען תאמינו בשם בן האלהים׃