האב אהב את בנו ואת כל נתן בידו׃

ואני הודעתים את שמך ואוסיף להודיעם למען תהיה בם האהבה אשר אהבתני ואני אהיה בהם׃

והנה קול מן השמים אומר זה בני ידידי אשר רצתה נפשי בו׃

עודנו מדבר והנה ענן אור הצל עליהם והנה קול מתוך הענן אמר זה בני ידידי אשר רציתי בו אליו תשמעון׃

כי לקח מאת אלהים האב יקר וכבוד בבא אליו קול מתוך הדרת כבודו לאמר זה בני ידידי רצתה נפשי בו׃

את האלהים לא ראה איש מעולם הבן היחיד אשר בחיק האב הוא הודיע׃

ויען אתם ישוע מעשים טובים רבים הראיתי אתכם מאת אבי על אי זה מן המעשים ההם תסקלני׃

לא אקרא לכם עוד עבדים כי העבד איננו ידע את אשר יעשה אדניו כי אם אמרתי ידידי אתם כי כל אשר שמעתי מאת אבי הודעתי אתכם׃

יהוה קנני ראשית דרכו קדם מפעליו מאז׃

באין תהמות חוללתי באין מעינות נכבדי מים׃

עד לא עשה ארץ וחוצות וראש עפרות תבל׃

באמצו שחקים ממעל בעזוז עינות תהום׃

ואהיה אצלו אמון ואהיה שעשעים יום יום משחקת לפניו בכל עת׃

הכל נמסר לי מאת אבי ואין מכיר את הבן בלתי האב ואין מכיר את האב בלתי הבן ואשר יחפץ הבן לגלותו לו׃

הכל נמסר לי מאת אבי ואין יודע מי הוא הבן בלתי האב ומי הוא האב בלתי הבן ואשר יחפץ הבן לגלותו לו׃

כי כאשר האב יעיר ויחיה את המתים כן גם הבן יחיה את אשר יחפץ׃

אמן אמן אני אמר לכם כי תבוא שעה ועתה היא אשר ישמעו המתים את קול בן האלהים והשמעים חיה יחיו׃

ויצאו עשי הטוב לתקומת החיים ועשי הרע לתקומת המשפט׃

והראה אתי את אשר שלחני הוא ראה׃

והשמע את דברי ולא ישמרם אני לא אשפט אתו כי לא באתי לשפט את העולם כי אם להושיע את העולם׃