Luc 6:32
ואם תאהבו את אהביכם מה הוא חסדכם כי גם החטאים אהבים את אהביהם׃
1 Jean 4:4
אתם הבנים הנכם מאלהים ונצחתם אתם כי אשר בכם גדול הוא מאשר בעולם׃
1 Jean 4:5
המה מן העולם על כן מהעולם ידברו והעולם ישמע אליהם׃
Jean 15:16
לא אתם בחרתם בי כי אם אנכי בחרתי בכם והפקדתי אתכם ללכת ולעשות פרי ופריכם יקום והיה כל אשר תשאלו מאבי בשמי יתן לכם׃
Jean 17:14-16
14
אני נתתי להם את דברך והעולם שנא אתם יען כי לא מן העולם המה כאשר גם אנכי לא מן העולם אני׃
15
ולא אעתיר לך אשר תקחם מן העולם רק שתצרם מן הרע׃
16
מן העולם אינמו כאשר גם אנכי אינני מן העולם׃
Ephésiens 1:4-11
4
כאשר בחר אתנו בו לפני מוסדות תבל להיות קדשים ותמימים לפניו באהבה׃
5
יעדנו לו לבנים על ידי ישוע המשיח כחפץ רצונו׃
6
לתהלת כבוד חסדו אשר נתן אתנו בידידו׃
7
אשר בו לנו הפדיום בדמו וסליחת הפשעים כרב חסדו׃
8
אשר השפיעו עלינו בכל חכמה והשכל׃
9
והודיענו את סוד רצונו כעצתו היעוצה בו׃
10
על דבר הנהגתו במלאת העתים לקבץ את הכל תחת המשיח הן מה שבשמים הן מה שבארץ׃
11
אשר גם לקחנו בו נחלתנו אנחנו המיעדים לה מאז במחשבת פעל הכל כעצת חפצו׃
Ephésiens 2:2-5
2
אשר התהלכתם בהם לפי דור העולם הזה כרצון שר ממשלת האויר והוא הרוח הפעל כעת בבני המרי׃
3
וגם אנחנו כלנו בתוכם הלכנו לפנים בתאות הבשר לעשות חפצי בשרנו ומחשבותינו ונהי אך בני רגז בטבענו כאשר בני אדם׃
4
אבל האלהים המלא רחמים ברב אהבתו אשר אהב אתנו׃
5
אחרי היותנו מתים בפשעים החינו עם המשיח בחסד נושעתם׃
Tite 3:3-7
3
כי גם אנחנו היינו מלפנים חסרי דעת וסוררים ותועים ועבדים לתאות ולתשוקות שנות ומתהלכים ברשעה וקנאה ושנואים ושנאים איש את אחיו׃
4
אמנם כאשר נגלה נעם אלהים מושיענו ורחמנותו אל האדם׃
5
אז לא בגלל מעשי הצדקה אשר עשינו הושיע אתנו כי אם מתוך חסדו על ידי טבילת התולדה השניה וחדוש רוח הקדש׃
6
אשר שפך עלינו למכביר על ידי ישוע המשיח מושיענו׃
7
למען נצדק בחסדו ונירש לפי התקוה את חיי העולמים׃
1 Pierre 2:9-12
9
ואתם הנכם זרע נבחר ממלכת כהנים וגוי קדוש ועם סגלה למען תספרו תהלות הקורא אתכם מחשך אל אורו הנפלא׃
10
אשר לפנים לא עם הייתם ועתה עם אלהים ואשר לפנים לא רחמו ועתה מרחמים׃
11
אהובים אזהירכם כגרים ותושבים הנזרו מתאות הבשר המתגרות בנפש׃
12
והיטיבו דרככם בגוים למען יביטו אל מעשיכם הטובים והיה תחת אשר חרפו אתכם כפעלי און יכבדו את האלהים ביום הפקדה׃
1 Pierre 4:3
כי דינו עת החיים אשר עברה לעשות כחפץ הגוים בלכתנו בדרכי זמה ובתאות כסבאי יין וזללי בשר ורדפי שכר ותועבות עבדת האלילים׃
1 Jean 3:12
לא כקין אשר היה מן הרע והרג את אחיו ומדוע הרגו יען כי מעשיו היו רעים ומעשי אחיו מעשי צדק׃
1 Jean 5:19
ידענו כי מאלהים אנחנו וכל העולם ברע הוא׃
1 Jean 5:20
וידענו כי בא בן אלהים ויתן לנו בינה לדעת את האמתי ובאמתי אנחנו בבנו ישוע המשיח זה הוא האל האמתי וחיי העולם׃
Apocalypse 12:9
ויוטל התנין הגדול הנחש הקדמוני אשר נקרא שמו מלשין ושטן המדיח תבל כלה הוא הוטל ארצה ומלאכיו עמו הוטלו׃
Apocalypse 12:17
ויקצף התנין על האשה וילך לעשות מלחמה עם יתר זרעה השמרים פקודי אלהים ואשר להם עדות ישוע׃
Apocalypse 20:7-9
7
ואחרי כלות אלף השנים יתר השטן מבית משמרו׃
8
ויצא להדיח את הגוים בארבע כנפות הארץ את גוג ומגוג ולקבצם למלחמה אשר מספרם כחול הים׃
9
ויעלו על מרחבי ארץ ויסבו את מחנה הקדשים ואת העיר החביבה ותרד אש מאת האלהים מן השמים ותאכל אתם׃